【芒草季節2020】除大東山之外 5 條香港影「芒草海」行山路線
Photo from Shutterstock
1. 昂平高原 （難易度：✦✦✧✧✧）
聽個名以為佢喺大嶼山一帶？其實佢位於馬鞍山～昂平高原算係對新手友好嘅路線，因為佢嘅山路都比較平坦，所以有唔少人都會選擇去昂平高原睇芒草！仲可以將成個西貢海嘅景色收晒入眼底添！
交通：於新港城乘搭村巴 NR84 至馬鞍山村
View this post on Instagram#kingcorgi #王國基 #fujifilm #xh1 #xf1855mm #dogphotography #corgi #哥基 #柯基 #コーギー #犬
A post shared by King Corgi 王國基 (@kingkingpapa) on
2. 西高山（難易度：✦✦✧✧✧）
呢條都係入門級賞芒草路線嚟～因為全程都有唔少遮蔭位同馬路，只有上西高山一段比較多樓梯，只要捱過就可以同芒草影相啦，仲可以包覽港島嘅景色添！但呢條路線嘅芒草嘅數量就比較少，大家自己衡量啦～
交通：於中環乘搭 15 號巴士到達山頂，沿夏力道／盧吉道行至西高山入口
3. 東洋山（難易度：✦✦✦✧✧）
東洋山嘅海拔雖然只係高 533 米，但因為路線都比較多樓梯，中間又無乜休息位，所以都好考大家體力！但上到山頂就會覺得抵番晒，因為山上全部都係芒草，大家仲可以喺山頂上面眺望西貢白沙灣、慈雲山一帶嘅景色添～
交通：於黃大仙乘搭村巴 NR806 至觀音山花園後，沿飛鵝山道及大老坳上東洋山
4. 二東山（難易度：✦✦✦✦✧）
想挑戰自己嘅朋友就可以試下上二東山！佢喺正芒草打卡熱點大東山嘅西側！但係要成功登上二東山，就要挑戰咗大東山密集嘅長樓梯先，因為二東山嘅入口係連接住大東山㗎！不過有山友話二東山一帶嘅芒草比大東山嘅高，所以都好值得一去㗎～
交通：於東涌站 B 出口附近乘搭 3M、11 或 23 號巴士至伯公坳，前行就係大東山入口
5. 飛鵝山（難易度：✦✦✦✦✦）
飛鵝山都係算難度較高嘅賞芒草路線嚟，因為佢有好多「長命斜」，仲有唔少懸崖，或者需要手腳並用 ！但係佢都收埋唔少芒草，登頂之後仲可以飽覽晒九龍同西貢嘅景色！有車人士更加可以直接揸上飛鵝山觀景台，慳返唔少腳骨力！不過飛鵝山出名危險，所以大家都要注意安全同衡量自己能力啦～
交通：乘搭 1 或 1A 小巴至飛鵝山道
View this post on Instagram?? #香港 #飛鵝山 #hk #hongkong #hiking #wild #outdoor #discoverhongkong #hkoutdoor #愛護大自然 #自己垃圾自己帶走
A post shared by Jackie 杰遊遊 (@j_gowild) on
提提大家，郊遊嗰時都要好好愛護環境，唔好為咗影相而破壞芒草呀！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
