日本岡山城「烏城燈源鄉」和風紙傘燈陣超浪漫～有得影靚相仲有得玩！

日本岡山城同後樂園係岡山必去景點，岡山城今年夏季嘅「烏城燈源鄉」特別點燈活動以和風紙傘為主題，擺成和風紙傘燈陣，超級夢幻！好想去瘋狂打卡啊！

日本百大名城同日本三大庭園之一嘅岡山城及後樂園每逢 5 月、8 月及 11 月都會有期間限定嘅「夜間特別點燈活動」，分別以春、夏、秋為主題，喺岡山城同後樂園周圍點燈，以和風裝飾打造一個充滿和風味道嘅夜間燈會活動。

Photo from 岡山縣官方觀光導覽網站

Photo from 岡山縣官方觀光導覽網站

岡山城今年夏季嘅主題係和風紙傘，擺出和風紙傘燈陣，仲有打上燦爛燈火嘅岡山城，真係非常靚。

Photo from mitsuyuka_lp@Twitter

Photo from mitsuyuka_lp@Twitter

Photo from 岡山縣官方觀光導覽網站

活動期間仲會喺後樂園舉行啤酒花園、能樂公演、音樂會及和風體驗等活動，唔止有得睇仲有得玩，正啊！

Photo from 岡山縣官方觀光導覽網站

嚟緊秋季嘅夜間燈會會以紅葉為主進行點燈，喺秋葉嘅襯托下，岡山城一定會顯得格外耀眼，咁靚嘅景致，喺嗰到睇成晚都願意啊！

Photo from 岡山縣官方觀光導覽網站

「烏城燈源鄉」
地址：岡山縣岡山市北區後樂園 1-5
費用（後樂園）：成人 410 日圓（約港幣 $30）；國中、小學生免費（需要學生證）；65 歲以上 140 日圓（約港幣 $10）

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）