日本連鎖迴轉壽司店金澤MAIMON壽司即將登陸香港！必食滿滿蟹肉「蟹滿堂」

繼壽司郎、頑固壽司等過江龍，再有日本連鎖迴轉壽司店登陸香港！金澤MAIMON壽司（金沢まいもん寿司）即將來港開設海外分店，壽司選擇超豐富，各位愛食壽司嘅朋友日後又多個選擇喇！

壽司郎喺香港分店越開越多，不過仍然日日大排長龍，要早兩三個月預約不特止，walk in都要等一個鐘以上。有連鎖迴轉壽司店即將喺香港插旗！

日本金澤MAIMON壽司（金澤美味壽司）就宣布會來港開設海外分店，佢哋喺日本有18間分店，7月就喺台灣開設第一間海外分店。

金澤MAIMON壽司（金澤美味壽司）已喺香港設立子公司，為開設分店做準備。

店舖喺日本當地非常受歡迎，裝修充滿和式風格，壽司選擇超豐富，其中蓋上滿滿蟹肉嘅「蟹滿堂」係必食之選。

金澤MAIMON壽司台北分店有10幾種價格，豐儉由人。

可以參考下台灣分店menu（可左右滑動看圖）：

資料來源：株式会社エムアンドケイ金沢まいもん寿司、北國新聞

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）