download HolidaySmart 假期日常 app
【大閘蟹2021】食公定食乸好?謹記8字口訣 4招揀出靚蟹!

【大閘蟹2021】食公定食乸好?謹記8字口訣 4招揀出靚蟹!

生活熱話 美食推介 生活教學
By Celia on 02 Oct 2021
Digital Editor

一年一度大閘蟹季節又嚟喇!每年喺中秋過後,大家就會見到身邊嘅朋友開始 po 一啲吃蟹嘅打卡相。吃蟹都要打卡?係呀!事關吃緊嘅係每年只有喺農曆 9 同 10 月依兩個月最靚嘅季節限定大閘蟹,俗語有云「九月圓臍十月尖,持螯飲酒菊花天」就係講緊大閘蟹。咁到底點揀先最啱呢?!

其實俗語中所指嘅「九月圓臍十月尖,持螯飲酒菊花天」就係講緊農曆 9 月時要食圓臍嘅雌蟹,10月就食尖臍嘅雄蟹,再加上飲黃酒賞秋菊,係人間一大樂事。蒸熟咗嘅大閘蟹呈橙紅色

咁雌蟹同雄蟹有咩分別?雌蟹只有蟹黃(卵子),呈橙紅色,俗稱紅膏,食起嚟仲會有啲好似蛋黃嘅味道添;而雄蟹就只有蟹膏(精子),煮熟後會呈乳白色半透明果凍狀,俗稱白膏。

TapNowPhoto from TapNow

蟹乸嘅蟹膏會呈深橙色

知道咩時候食咩蟹之後,當然仲要識得點揀喇!不過揀蟹前,第一件事就係要先決定好想食咩地方嘅蟹。唔少人都知道陽澄湖同太湖嘅蟹肥美,但除咗依兩個地方之外,大通湖嘅大閘蟹都係一個唔錯嘅選擇嚟。

大閘蟹嘅重量由大約3両起

諗好食邊個地方嘅蟹,就嚟開始揀蟹喇:

市面上有不同來源嘅大閘蟹

青背:
蟹殼要呈青灰色,平滑而有光澤。

白肚:
腹部晶瑩潔白,冇黑色斑點,代表生長水域底泥乾淨。另外亦可輕按蟹肚,如果質感堅硬結實代表膏多肉多,但如果質感軟腍,即代表無乜膏兼蟹肉少。

金爪:
爪呈金黃色,輕拉爪嘅尖端,如果蟹有反應或爪有回彈,那代表蟹新鮮,只到貨一至兩日,但如果爪冇回彈,甚至有虛位出現即表示已到貨一段時間,蟹內嘅膏可以已減退。

黃毛:
除咗玩爪之外,大家仲要睇埋爪毛,要長且黃,整齊挺拔。

各位大閘蟹迷今年諗住食幾多轉呀?

大家只要記住依個 8 字揀蟹口訣「青背、白肚、金爪、黃毛」就絕對冇問題喇!至於大閘蟹嘅價格行情每年都唔一樣,到底雌蟹同雄蟹邊隻好食啲就睇個人喜好喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel