download HolidaySmart 假期日常 app
【大閘蟹禁忌2021】食蟹必睇!7大注意事項 柿/凍飲/濃茶/紅酒都唔飲得

【大閘蟹禁忌2021】食蟹必睇!7大注意事項 柿/凍飲/濃茶/紅酒都唔飲得

生活熱話 健康資訊 美食推介 生活教學
By Celia on 03 Oct 2021
Digital Editor

秋風起代表咩?!咪就係代表住一年一度嘅大閘蟹季又到囉!正正因為係一年一次,所以唔少人都會趁依個時候多吃幾隻,不過食還食,除咗要識揀靚蟹之餘,仲有唔少食大閘蟹禁忌就食蟹前一定要注意㗎!

雖然大閘蟹含有豐富嘅蛋白質及微量元素,對身體滋補嘅作用。其實蟹喺中醫角度嚟講屬寒涼帶濕嘅食物嚟,所以喺食蟹嘅同時配搭嘅飲品、食材以及進食時都有唔少注意事項,今次就整合咗7大注意事項畀大家~

食蟹嘅同時配搭嘅飲品、食材以及進食時都有唔少注意事項Photo from Presslogic

4 不食:
1. 蟹腮:依個蟹嘅呼吸器官嚟,所以裡面其實係非常污糟㗎
2. 蟹腸:蟹以腐物為食,所以喺佢嘅腸中存有極多細菌
3. 蟹胃:內有泥沙及排泄物,存有極多細菌
4. 蟹心:亦稱為蟹六角板,極寒涼,勿食。

 

Photo from Prinerest

凍飲:
蟹屬性寒涼,如果再加埋凍飲一齊食,就會寒上加寒!

只要用水果浸釀嘅酒都唔飲得。Photo from Prinerest

酒類:
不少酒類中,都有可能含有單寧成分,而紅酒、香檳、梅酒、白蘭地、力嬌酒(Liqueur)等就係屬於含高單寧嘅酒類嚟,單寧嘅來源就係嚟自水果本身。所以簡單啲嚟講只要用水果浸釀嘅酒都唔飲得。

而除咗柿之外,山楂、橙、桃、梨,黑茶(例如普洱)等食物亦同樣含高含量單寧㗎!Photo from Prinerest

水果類:
唔少人都知道大閘蟹唔可以同柿一齊食,因為柿中有高含量嘅單寧,同時吃造成蛋白質凝固,導致腹痛,嘔吐,甚至腸痙攣,而除咗柿之外,山楂、橙、桃、梨,黑茶(例如普洱)等食物亦同樣含高含量單寧㗎!另外,花生同蜂蜜都係唔可以同蟹一齊食。

特定人士唔食得:
皮膚敏感、脾胃虛寒、容易腹痛、感冒未癒、膽固醇高、孕婦、月經量多或有痛經人士,都不宜食用大閘蟹。

死蟹嘅體內會分泌毒素,所以絕對唔食得!Photo from Prinerest

死蟹:
死蟹嘅體內會分泌毒素,所以絕對唔食得!當然未煮熟嘅都唔食得喇,而且就算蒸熟嘅蟹最好係即日食晒,唔好留過夜呀!

進食過量:
俗語都有話喇「少食多滋味,多食壞肚皮」,一餐最多食 1 隻大閘蟹就好,以免過量引致腹脹或消化不良。

一餐最多食 1 隻大閘蟹就好,以免過量引致腹脹或消化不良。Photo from Presslogic

正如一開始所講蟹喺中醫角度嚟講屬寒涼帶濕嘅食物,所以最好喺吃蟹後喝用薑茶,因為薑屬熱性,可驅寒溫胃,還能殺菌去腥和解毒。

記住依啲注意事項同小貼士,咁無論係出去食,定係買返屋企自己整都冇問題喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel