余文樂被爆入名店要排隊感不滿！助手撻朵：未試過要排隊！粉絲超失望

有網民爆料指父親目擊余文樂喺澳門Hermès被保安要求排隊，余文樂同助理一行5人感生氣離場走人，網民指本身係fans，對呢件事感到非常失望，以後唔會幫襯余文樂嘅品牌。

余文樂同台灣皮帶大王女兒王棠云結婚後被指有意移居台灣，佢現時喺台灣長住，早前因為工作關係飛咗去澳門。

有網民爆料父親喺澳門名店遇到余文樂，當時佢同助理一行5人到訪Hermès。網民爸爸興奮上前想同余文樂合照，余文樂應承咗但助理拒絕，最後未能成功合照。

事後聽返Hermès嘅員工指余文樂佢哋應該嬲嬲豬咗，因為被保安要求喺店門外排隊，而余文樂助理更「撻朵」稱佢哋未試過要排隊。

網友認為佢爸爸係預約攞袋，唔係閒逛，唔洗排隊正常。而余文樂一行人戴晒口罩，保安、員工未必會認出佢哋身份。

網民又表示自己係余文樂fans，平時都會買佢品牌嘅產品，一條褲過萬都照買，今次父親嘅經歷令佢對余文樂非常失望，仲話以後唔會再幫襯。

余文樂助理喺微博澄清絕對無拒絕排隊：「無論在任何需要排隊的場合，阿樂本人一定是非常在意排隊這件事的」。佢表示在場保安同監控都可以證明。

佢又指：「有人要求跟阿樂合影，雖然阿樂很想配合，但大家都知道，這些名品店是拒絕拍照的，且我們剛隔離完，害怕引起不必要的人員聚集和圍觀造成的人群擁堵，我們拒絕了這個需求」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）