8間本地火鍋店推介合集！炭爐火鍋/四川風味酸辣湯/土耳其羊肉鍋/素菜鍋

火鍋特輯2020

By Helen on 16 Oct 2020

Digital Editor

本地火鍋店推介合集｜天氣開始轉涼啦，入秋打邊爐就最正啦！香港有不少火鍋店都各有特色，今個合集就為大家介紹8間本地火鍋店，炭爐邊爐/台式麻辣/全牛火鍋店

1.火鍋隨意門
銅鑼灣全新火鍋新店火鍋隨意門，以四個國家作為設計主題，分別有浪漫醉人的法國、風格迴異的土耳其、唯美和風的日本及古色古香的宮廷建築。
約埋三五知己去打邊爐解下旅行癮就最適合不過～

餐廳更推出4款專為主題而設的湯底
法式芝士海鮮湯鍋
餐廳採用法國藍青口和原隻波士頓龍蝦，配上濃郁鹹香的 Parmesan Cheese 和充滿奶香味的 Mozzarella Cheese 煮成，再加上百里香，月桂葉及等香草調味，想不到法國菜配火鍋這道 fusion 菜是如此搭配!

土耳其香草羊肉鍋
餐廳先用上茴香、洋芫茜和百里香等香草將羊肉調味，再加入已調味高湯即可食用。羊肉嫩滑，陣陣香草味中和了羊羶味，怕羶的朋友也可一試!

北海道 3.6 牛乳櫻花湯鍋
顧名思義以北海道 3.6 牛乳作湯底，配上菇類、皇帝菜、新鮮雞肉等煮成牛奶濃湯，奶香味濃，喜歡奶類製品的朋友一定要試啊!

花膠雞湯鍋
餐廳以金華火腿，三黃鮮雞等配料熬足 12 小時而成的湯底，濃郁香甜。份量可選一隻或半隻，再配上大件厚實的花膠，每啖都充滿骨膠原，養顏一流。

火鍋隨意門
地址:銅鑼灣堅拿道西 10 號冠景樓 1 樓 A 室電話:2178 0600
營業時間:星期一至日: 12 時至晚上 9 時

2.616牛肉火鍋專門店
616牛肉火鍋專門店提供嘅牛肉種類可算是應有盡有，總共有20多款部位任你揀，無論幾刁鑽、幾罕見嘅部位都食到！愛牛人士就一定要去打邊爐啦！

Photo from PressLogic

封門柳
封門柳係牛嘅橫隔膜肌肉，一隻牛得兩塊㗎咋！認真矜貴！佢仲係所有牛部位之中最甜、最濃味，牛肉控點可以錯過呀？

Photo from PressLogic

牛駝峰
牛都有駝峰？牛駝峰係指牛朴肉後端嘅頸背肉，帶幼筋，油香肉味平均。

Photo from PressLogic

雙層肉
雙層肉望落好多脂肪咁，其實食落爽身彈牙，牛味仲超香濃！

Photo from PressLogic

吊龍伴
吊龍伴係牛嘅兩邊腰脊肉，又被稱為肉眼邊。油脂豐富，一咬已經超Juicy！

Photo from PressLogic

滑尾龍
以為係滑蛋牛肉？少年你太年輕了！滑尾龍係牛後腿外側嘅肉，肌肉組織密集。煮之前撈埋滑蛋，就可以軟化牛肌肉纖維，更加香滑好味！

Photo from PressLogic

3.鴻福海鮮四季火鍋
充滿傳統風味的炭爐邊爐，位於土瓜灣一條後巷內，隱藏一間大排檔式的火鍋店，若你是電影迷，定必覺得場地似曾相識。

走入土瓜灣舊區尋寶，發現碩果僅存的炭爐火鍋，大排檔式設計，圓形摺枱配搭方格地磚，充滿舊香港味道。餐廳曾用作為《無間道2》中的取景地，經典火鍋場景一幕吸引不少客人到店打卡。

Photo from 無間道2電影截圖

入座時先選擇打邊爐或燒烤，不過專程來到當然要一枱兩爐，一個火鍋用，一個燒烤用。炭爐上用上傳統砂鍋，保溫性能高，炭爐火力均勻。

Photo from presslogic

先講火鍋，湯底款式10多種口味，傳統有豬骨湯、蕃茄牛肉薯仔湯、沙嗲鴛鴦鍋；特色有鹹菜魔鬼魚湯、滋補牛鞭湯、海狼魚頭腩湯等，款款口味各有特色。

Photo from presslogic

至於火鍋配料，當然不少得本地手切肥牛，肉味濃郁，牛肉連筋位，食落有咬口。

Photo from presslogic

另外也有供應水魷魚、五花腩、墨魚滑、黑柏葉、美國桶蠔、豬紅、炸魚皮等配料，選擇豐富。

Photo from presslogic

燒烤方面，記者推介豪燒海鮮，皆因所有海鮮夠新鮮，有得食鮑魚、生蠔、蟶子、海蝦等，客人落柯打才撈上水，上枱時海蝦仍非常生猛。

Photo from presslogic

建議燒前先灑上少少鹽，燒至外層陣陣炭香味，肉質嫩滑鮮甜。

Photo from presslogic

鴻福海鮮四季火鍋
地址：土瓜灣落山道86號地下巷內
營業時間：星期一至日 6:30pm-2am
電話：2365 0112
備註：敬請預約及只收現金

4.MouMouClub 牛涮鍋
相信大家對牛涮鍋都唔陌生，日式火鍋放題一定會諗到牛涮鍋，現時牛涮鍋全新推出自選4格鍋「性格鍋」，包括刺激養顏麻辣花膠湯、胡椒豬肚湯、清甜椰子雞湯、味道香濃喇沙海鮮湯，牛肉任食放題真係CP值極高呀！

5. 湯煲私房火鍋
上環火鍋店「湯煲私房火鍋 」早前受疫情影響，改為三餸一湯真空包裝免費送上門嘅服務，現時重開火鍋晚市，更推出優惠價海鮮拼盤！住港島的朋友不坊試試～

Photo from 湯煲私房火鍋

火鍋店提供多款傳統特色火鍋湯底，例如冬瓜陳皮水鴨煲、黑蒜姬松茸脊骨煲、天麻川芎白芷魚頭煲等，先飲湯後打邊爐，落足心機，滋補養生。

Photo from 湯煲私房火鍋

每日限量供應的手打牛丸，師傅選用騸牯牛（即閹牛），香港每天只會供應極少量。激素較少，脂肪分布平均，食落牛味濃質感重，牛迷絕對會一試難忘。
另外也有其他手工丸及手包餃子，例如川色麻辣牛肉餃、味增大根黑豚餃等，款式於坊間較少見。

Photo from 湯煲私房火鍋

湯煲私房火鍋
地址：上環永樂街1-3號世瑛大廈4樓
電話：53729889
營業時間：每日5:30pm-1am（年中無休）
Facebook：湯煲私房火鍋

6.美味廚 Megan’s Kitchen

美味廚今年9月正式推出年度火鍋餐牌，特色火鍋湯底包括：田園蔬菜龍蝦湯 $298 、疏乎厘蟹皇蕃茄忌廉湯 $268、四川風味酸辣湯、$248 冬蔭功Cappuccino，另外更有多款經典火鍋湯底、素火鍋湯底。
火鍋餐牌：https://bit.ly/33tjNhU

麻辣貢菜釀牛肉丸，爽脆的貢菜混合彈牙的手打牛肉當中，口感豐富，美味交融，加上花椒辣椒結合出芳香誘人的麻辣，滋味令人難以抗拒！

美味廚
地址：香港灣仔道165-171樂基中心5樓

7.方榮記
九龍城嘅方榮記，最為人熟悉一定係佢地嘅特濃沙嗲火鍋湯底！呢度嘅沙嗲湯底，絕對唔係坊間個啲好稀嘅沙嗲湯！而係超足料落好重沙嗲料嘅火鍋黎嫁！
有沙嗲又點可以無牛肉！呢度牛肉分別有幾款～有平平地就有交易嘅機切牛肉肉！

Photo from Presslogic

用上澳洲和牛，輕輕灼熟半生熟最食到牛肉嘅鮮甜，嫩滑不在話下，啖啖都係肥膏，個心都溶化了！

Photo from Presslogic

頂級牛肉:手切 ($298)
呢款點解會叫頂級，原來唔係入口貨！而係超限量超限量，每日只會劏40隻嘅本地牛！每一塊都係手切～老闆話識食嘅輕輕灼3～4下就係黃金食法！怕生嘅都可以滾多兩滾～
配上濃郁沙嗲湯，掛汁無比，食完就會知究竟咩野叫做最正嘅沙嗲牛！

Photo from Presslogic

炸魚皮 ($40)
係佢地自己每人新鮮以自家調配調味料醃製，再每日新鮮炸香嫁！超香口，絕對係必食推介！

Photo from Presslogic

方榮記沙嗲牛肉專家
地址：九龍城侯王道85-87號地下
電話：2382 1788
營業時間：星期一至日 11:30～00:30

8.101 手工涮涮鍋
101 手工涮涮鍋任飲任食台式火鍋店，本店師傅專程飛往台灣學做台式火鍋。所有鍋底配料由師傅每日爆炒同燘出來，絕對一絲不苟。
招牌鍋底有冬瓜卜卜蜆海鮮鍋和正宗泰國冬蔭公鍋。
另外更有台灣藥膳火鍋，例如藥膳蟲草花桃膠養生鍋，藥膳養生醉雞鍋等等，以十多款藥材如紅棗，當歸，北芪，黨參，杞子，雞殼等，熬製超過五小時。