信用卡迎新禮品優惠回贈比較懶人包　買iPhone 12兼最少仲可賺 HK$1,600 獎賞！

By Celia on 15 Oct 2020

Digital Editor

尋日 Apple 就一口氣發布咗4 部 iPhone 12 5G 系列，而 iPhone 12 同 iPhone 12 Pro 仲會喺嚟緊嘅星期五（16/10) 就會有得預訂，應該唔少果粉已經準備就緒喇！但iPhone 12 系列嘅價錢由約 HK$5,999至約HK11,899不等，點買先最化算，用邊張卡簽賬可以賺到最多優惠呢？！

今次就為大家整合咗以現有信用卡或申請新卡買機優惠比較，等大家開心換機之餘仲可以賺到盡！

Photo from Apple

申請新卡買機

其實大部分信用卡都會有唔同嘅迎新禮品/優惠：

信用卡	年費	迎新禮品	簽賬要求
恒生MPOWER卡	永久免年費	– 高達$700 Cash Dollars；或 – 高達MCL戲票8張 + $100 Cash Dollars	60日內簽滿HK$5,000
滙豐Red 信用卡	永久免年費	-新客：$800 「獎賞錢」或惠康超級市場禮券 -舊客：$300 「獎賞錢」或惠康超級市場禮券	60日內簽滿$8,000
渣打Simply Cash Visa卡	免首年年費	-首$4,000，有25%現金回贈，最多$1,000現金回贈-新登記網上理財及完成首次登入，可獲額外$100現金回贈	無
DBS Black World Mastercard	免首年年費	– 高達50,000里；或 – Rollink Flex 21吋可摺疊行李喼與2,000里 – 經「DBS Omni」成功申請：額外HK$200「一扣即享」金額^	2個月內簽滿HK$6,800
DBS COMPASS VISA 信用卡	免首年年費	– Le Maurice 28吋旅行喼；或 – 優惠價換購Dyson Airwrap™ Complete造型器（HK$290 x 12個月）；或 – 6張MCL電影禮券；或 – HK$400百佳／屈臣氏「一扣即享」；或 – HK$300任何商戶「一扣即享」 – 經「DBS Omni」成功申請：額外HK$200「一扣即享」金額^	3個月內簽滿HK$6,800 或 3個月內簽滿HK$4,800
大新ONE+ Titanium 信用卡	免首2年年費	– KB Air Mask便攜負離子清新機；或 – HK$800現金回贈；或 – 免息免手續費信用卡兌現計劃	2個月內簽滿HK$8,000；或 2個月內簽滿HK$6,000 （Apple Pay簽滿HK$3,000）；或 2個月內簽滿HK$500
美國運通白金信用卡	年費HK$2,200	– 首3個月享HK$3=1里／1.6%回贈（高達40,000里／HK$2,000） – 4張戲院戲票 – HK$500 city’super現金券	3個月內簽滿HK$5,000

不過除咗睇迎新優惠之外，部分仲會有簽賬現金回贈添！如以系列中最高價位嘅 iPhone 12 Pro Max 256GB（HK$11,899）嚟睇，最多仲有機會賺取超過 HK$1,000 獎賞！

	渣打Simply Cash Visa卡	滙豐Red信用卡	Citi Cash Back信用卡
迎新優惠	-簽滿 HK$4,000： HK$1,000 現金回贈 -網上新客戶額外送HK$100	$800 獎賞錢/ HK$800 惠康現金券	-HK$800 超市現金券；或 -HK$700 現金回贈；或 -香港文華東方酒店雙人下午茶
基本簽賬回贈	1.5%	本地消費：1% 網上簽賬：4%	1%

整合嚟睇，渣打嘅 Simply Cash Visa 卡喺迎新加回贈後，可算係慳得最多嘅一張嚟，大家只要透過網上申請，再憑卡簽賬滿 HK$4,000，就可以賺取 HK$1,100 現金回贈，無論係買最貴嘅 iPhone 12 Pro Max（HK$11,899），定係最平嘅 iPhone 12 mini（HK$5,999），都可最少賺取 HK$1,600 獎賞！

以現有信用卡

始終都會有部分人但麻煩而唔想開咁多卡喺身，咁又可以點呢？！依個時候你就要留意住信用卡同電器舖嘅限時優惠喇，因為唔同信用卡同唔同商鋪都有唔同嘅優惠，隨時可以賺取多重額外回贈㗎！

Photo from Apple

另外，喺 Apple 官網買機都算喺網購，部分信用卡仲會有網購簽賬回贈，其中就以 HSBC Red Card 同恒生MPOWER 最抵：

	滙豐Red信用卡	恒生MPOWER卡
基本簽賬回贈	本地消費：1% 網上簽賬：4% 流動電話支付Apple Pay：5%	本地消費：0.4% 網上簽賬：9% Samsung Pay/Apple Pay：5％