女神崩壞?前無綫新聞小花陳嘉倩被爆黑口黑面睥新人仲臨場拒拍

女神崩壞?前無綫新聞小花陳嘉倩被爆黑口黑面睥新人仲臨場拒拍

娛樂新聞
ByElla on 15 Oct 2020 Digital Content Writer

前無綫新聞小花陳嘉倩一直以來形象討好,即使辭去無綫新聞主播之後依然人氣高企,節目廣告接唔停,加上形象清純、有氣質,穩佔網民心中嘅「女神」地位。不過近日就傳出陳嘉倩喺拍攝廣告時耍大牌擺款,仲黑口黑面,女神形象完全崩壞。

有工作人員爆料指早前陳嘉倩同藝人周子揚、新人黃以諾拍攝廣告時工作態度差,鏡頭前後兩個人。

有工作人員爆料指早前陳嘉倩拍攝廣告時工作態度差,鏡頭前後兩個人。
Photo from kasin520@IG

陳嘉倩係一眾男網民心中嘅「女神」。
Photo from kasin520@IG

爆料者稱當時導演喺度教緊新人黃以諾一啲拍攝嘅嘢,懷疑因為黃以諾頻頻 NG,令到陳嘉倩唔耐煩,翹埋雙手,仲黑口黑面睥住新人。

爆料者指懷疑因為黃以諾(圖左)頻頻 NG,令到陳嘉倩唔耐煩,翹埋雙手,仲黑口黑面。
Photo from choutszyeung@IG

陳嘉倩形象一向清純、有氣質。
Photo from kasin520@IG

另外,陳嘉倩喺拍攝休息期間努力補妝,本來就冇咩問題,不過佢偏偏企正通道中間,阻住其他演員綵排,仲當住男工作人員面前扯 bra,非常豪邁,同平時清純形象有好大出入。

拍攝當日陳嘉倩造型。
Photo from kasin520@IG

廣告
廣告

Photo from kasin520@IG

不過最令工作人員無言嘅係陳嘉倩臨時拒拍,拖延拍攝進度。廣告拍攝時間係上午 10 點到下午 3 點,但係陳嘉倩化妝用咗超過一個鐘,成個廣告正式拍攝淨係用咗三個鐘,時間咁緊迫之下,陳嘉倩仲要臨時先話唔拍。

當日拍攝過程。
Photo from choutszyeung@IG

廣告原本個故事係話佢深受鼻鼾困擾,但係經理人當時以「保女神形象」為由,臨場要求改劇本。另外原本仲有一場求婚戲,經理人又以「冇需要」、「要準時收工」為由拒絕拍攝。結果成個廣告要麻煩工作人員 OT,重組故事同剪輯。

Photo from choutszyeung@IG

陳嘉倩之後就事件回應表示「一笑置之」,周子揚就表示拍攝時間唔係好夠,而且拍嘢 NG、delay 係正常,對於指陳嘉倩黑面一事,佢就話可能係角度問題。

周子揚(圖左)及陳嘉倩。
Photo from choutszyeung@IG

依家雙方各執一詞,真相係點,相信只有當時在場嘅工作人員先知道啦。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook