【香港日落好去處】推介 5 大睇日落打卡必到 九龍新界都有!

【香港日落好去處】推介 5 大睇日落打卡必到 九龍新界都有!

香港好去處 【區區遊】
ByElla on 19 Oct 2020 Digital Content Writer

近排大家都頻頻喺香港搵地方玩,離島、香港嘅山,相信都成為咗唔少人嘅假日去處。如果唔想去太遠,又唔想行山咁辛苦嘅話,去睇日落都係一個唔錯嘅選擇。今次推介 5 大日落美景好去處,保證一定可以影到人生美照!

烏溪沙石灘

烏溪沙石灘曾經有人砌心形石「海之心」而非常出名,成為打卡勝地,不過後來因為被指破壞環境所以拆咗。雖然依家冇咗「海之心」,不過呢度依然咁靚,日落餘輝灑滿大海,真係好治癒啊。

烏溪沙石灘
交通方法:港鐵馬鞍山站 A1 出口,經馬鞍山廣場到馬鞍山海濱長廊,沿海濱長廊步行前往。

下白泥

元朗嘅下白泥因為可以睇到日落美景而相當出名,吸引好多人去打卡。日落嗰陣個鹹蛋黃反射落個泥灘度,就好似「天空之鏡」咁,唔使去旅行,喺香港都可以喺「天空之鏡」影到靚相啦!

下白泥
交通方法:元朗泰豐街乘搭 33 號小巴至鴨仔坑落車。

流浮山

流浮山除咗出名食海鮮,睇日落都唔錯㗎。喺流浮山睇日落嘅同時仲可以遠眺深圳灣大橋、深圳灣體育中心,景觀確係唔錯。而且睇完日落仲可以去食番餐海鮮,簡直完美!

廣告
廣告

流浮山
交通方法:元朗港鐵站乘 K65 號巴士

龍鼓灘

龍鼓灘係香港最西面嘅沙灘,視野廣闊,冇高山阻住,可以清楚咁欣賞到日落美景。

龍鼓灘
交通方法:港鐵屯門站乘搭巴士 K52 號至龍鼓灘落車

觀塘海濱公園

唔想去到咁遠,觀塘海濱公園都係唔錯嘅選擇。公園全長約 1000 米,可以望到郵輪碼頭,日落嗰陣成個海變成金黃色,超級唯美!坐喺長凳度望住日落,真係好寫意。

觀塘海濱公園
交通方法:港鐵牛頭角站 B6 出口,沿勵業街步行前往。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook