download HolidaySmart 假期日常 app
李敏鎬進軍美劇!有望出演美國 Apple TV 劇集《柏青哥》

李敏鎬進軍美劇!有望出演美國 Apple TV 劇集《柏青哥》

電視電影
By Ella on 19 Oct 2020
Digital Content Writer

「李太太」們注意!你哋嘅老公李敏鎬要進軍美劇啦!李敏鎬有望出演美國 Apple TV 劇集《柏青哥》,飾演韓國移民者嘅角色,今次歐巴終於唔係演有錢人。

《柏青哥》改編自韓裔美籍作家李珉真(音譯)嘅同名小說,故事以日本統治時期為背景,從 1920 年日本殖民時期嘅韓國漁村,到日本大阪並經歷咗二戰同朝鮮戰爭,直到 90 年代末日本泡沫經濟時代。故事描述咗幾代人喺家族與故鄉、融入和歸屬等問題上嘅矛盾。呢本書喺 2017 年曾獲《紐約時報》選為「年度書籍」,前美國總統奧巴馬都曾表示呢本書係「迷人的書」而令到小說嘅討論度非常高。

《柏青哥》改編自韓裔美籍作家李珉真(音譯)嘅同名小說。Photo from Pinterest

李敏鎬有望出演美國 Apple TV 劇集《柏青哥》,飾演韓國移民者嘅角色。Photo from actorleeminho@IG

李敏鎬出演過多套影視作品,喺海外知名度好高,韓劇《花樣男子》可以話係佢嘅成名作。李敏鎬外型俊美,而且身高優越,有大長腿,佢飾演嘅韓版「道明寺」——「具俊表」當時風靡亞洲。

韓版「道明寺」——「具俊表」(李敏鎬 飾)。Photo from 《花樣男子》

不過亦都因為李敏鎬貴氣嘅形象,佢之後接拍嘅角色大多係有錢人,好似《繼承者們》嘅「金嘆」、《The King:永遠的君主》嘅「李袞」等。

《繼承者們》「金嘆」(李敏鎬 飾)。Photo from SBS

《The King:永遠的君主》「李袞」(李敏鎬 飾)。Photo from SBS

今次李敏鎬終於唔係演有錢人啦!今次李敏鎬有望飾演日據時期後,移民到日本或美國嘅韓國移民者,喺艱辛嘅生活下重新站起來。

Photo from actorleeminho@IG

李敏鎬形象貴氣,接拍嘅角色大多係有錢人。Photo from actorleeminho@IG

劇集將為 8 集,大部分角色都邀請咗亞裔演員出演,如果李敏鎬真係確定出演嘅話,相信呢部劇嘅話題度一定會再提高!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel