石原聰美老公疑正面照曝光兼被起底！外貌唔輸明星！年薪過百萬

早前日本藝人石原聰美宣布將同圈外男友結婚，消息一出受到粉絲祝福，同時都令網民非常好奇到底邊個咁厲害可以娶到女神。而近日疑似石原聰美未來老公正面照曝光，仲被起底！

石原聰美曾指未來老公只係「一般上班族」，此話一出令一眾網民非常好奇女神口中嘅「一般上班族」老公到底係何方神聖，竟然可以奪得女神芳心！終於，女神老公嘅正面照曝光，外貌仲一啲都唔輸蝕！

Photo from satomisquad@IG

Photo from satomisquad@IG

根據日本媒體報導，石原聰美老公從小喺外國生活，之後返日本，畢業於東京大學。現時任職於高盛證券，係業界嘅精英人士。

Photo from matome.naver.jp

此外，仲經營演藝經紀公司，兼任多間企業嘅董事，保守估計年薪高達 5000 萬日圓（約 370 萬港元）。除咗有自己一番事業之外，石原老公仲經常做善事，捐錢資助外國貧民。有自己嘅事業，而且仲樂善好施，唔怪得可以吸引到女神青睞～

Photo from satomisquad@IG

Photo from satomisquad@IG

如果呢啲資料屬實嘅話，咁石原聰美用「一般上班族」形容老公真係太謙虛啦～果然要娶到女神，都係要有番咁上下。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）