馮盈盈前男友Martin晒合照公開戀情！現任身材外貌極佳不輸藝人！

港姐冠軍馮盈盈上年同醫生男友Martin分手，但之後兩人仍被拍得一齊進餐。早前Martin更傳出已結婚，雖然後來澄清，但卻未有否認有新女友。今日佢喺IG晒出合照，公開新戀情。

港姐冠軍馮盈盈當選後亦不時大爆同醫生男友Martin嘅相處之道，更公開叫男友「寶寶」，非常甜蜜。不過上年就突然宣布與拍拖4年男友分手。

分手後馮盈盈都有唔少緋聞，但亦因被拍到同前度Martin一齊共進晚餐，傳出復合消息。不過馮盈盈否認。

早前Martin喺IG公開與一名女子嘅合照，疑似公開新女友。相中女子外貌娟好，完全不輸港姐冠軍馮盈盈。

之後更有傳Martin已入紙結婚，馮盈盈已復合無望。後來Martin親自澄清本人仍未結婚。

今日佢再post出一張合照，相中佢輕攬女子纖腰，又附上「#Sunsetlover」公開新戀情。

相中女子雖戴住口罩，不過都睇得出係之前合照中嘅美女，Martin女友身材比例極佳，就算拍埋去藝人都完全唔輸蝕！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）