download HolidaySmart 假期日常 app
《鬼滅之刃》劇場版11月12 日香港有得睇!日本上映 3 日收破 46 億円票房紀錄 故事將承接第一季蜘蛛山篇

《鬼滅之刃》劇場版11月12 日香港有得睇!日本上映 3 日收破 46 億円票房紀錄 故事將承接第一季蜘蛛山篇

電視電影
By Celia on 23 Oct 2020
Digital Editor

日本人氣動畫《鬼滅之刃》自開播以嚟一直贏得廣大人氣,故事中包括咗人鬼間嘅悲痛故事以及驚心動魄嘅劍戰,再穿插滑稽場景,難道唔止喺日本爆紅,仲成功引起全球 cosplay 迷 cosplay 動畫中嘅角色添!而嚟緊佢哋仲會推出劇場版《劇場版 鬼滅之刃 無限列車篇》,11 月 12  日就會正式喺香港院線上映喇!

Photo from Muse木棉花-HK

今次劇場版嘅故事將會承接第一季動畫蜘蛛山篇,講述家人慘遭鬼殺害的少年-竈門炭治郎等人完成「蝴蝶屋」嘅訓練後,抵達下一個任務地點「無限列車」。據說喺短時間之內,已有四十人以上嘅乘客喺列車上消失。

鬼殺隊最強劍士「柱」之一嘅「炎柱」煉獄杏壽郎Photo from Muse木棉花-HK

炭治郎帶住禰豆子與善逸、伊之助一行人,和鬼殺隊最強劍士「柱」之一嘅「炎柱」煉獄杏壽郎會合,喺開往暗黑嘅「無限列車」上,與潛伏喺列車上戰力極強嘅「下弦之壹」魘夢正面對決!

戰力極強嘅「下弦之壹」魘夢Photo from Muse木棉花-HK

而喺配音方面就搵嚟花江夏樹(聲演:竈門炭治郎)、平川大輔 (聲演:魘夢(下弦之壹))以及鬼頭明里(聲演:禰豆子)。

Photo from Muse木棉花-HK

其實依套動畫喺月中時已喺日本上映,短短 3 天就已經超過 342 萬名觀眾,票房衝破 46 億円,成功打破日本平日與週末嘅票房紀錄外,就連另一套人氣長壽動畫《名偵探柯南》都唔係佢對手呀!

Muse木棉花-HKPhoto from Muse木棉花-HK

《劇場版 鬼滅之刃 無限列車篇》確定於 11 月 12 日香港上映,各位粉絲記得 mark 定日子入場睇喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel