毀童年系列　中國翻拍《棋靈王》真人版　佐為慘變東方不敗？

《棋靈王》相信係唔少人嘅童年回憶，然而最近大陸決定翻拍《棋靈王》真人版電視劇，劇照及預告已經釋出，相信又係一個毀童年系列⋯⋯

大陸版嘅《棋靈王》叫《棋魂》，由胡先煦、張超及郝富申主演，角色名稱都唔同咗，「藤光」更名「時光」（胡先煦 飾）、「塔矢亮」更名「俞亮」（郝富申 飾）、「佐為」更名「褚贏」（張超 飾）。

Photo from 網劇棋魂@微博

Photo from 網劇棋魂@微博

Photo from 網劇棋魂@微博

劇情同動畫版大致上分別唔大，只係以中國世界觀為主敘事，例如日本平安時代嘅「佐為」變咗南梁圍棋第一人「褚贏」。故事講述「時光」去爺爺屋企尋寶，翻出舊棋盤後被古代棋士「褚贏」俯身，進軍圍棋界。

劇情同角色名都唔算係大問題，相信角色造型先係網民關注嘅焦點。今次「褚贏」嘅造型真係令人印象深刻⋯⋯

Photo from 《棋魂》

Photo from 《棋靈王》

「褚贏」化咗個極濃嘅妝，仲有個胭脂、眼影、眼線⋯⋯真係幾重口味吓。

Photo from 網劇棋魂@微博

Photo from 《笑傲江湖》

角色造型一出，一大班網民直指「毀了我的童年」、「這個佐為，簡直是東方不敗化魂」、「這是辣眼睛造型不土不洋的」、「我劇烈嘔吐」等。老實說，呢個造型真係同東方不敗有異曲同工之妙。其實除咗東方不敗，大家覺唔覺得有啲似太監⋯⋯？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）