【淘寶雙11優惠】超重儀式感！Staycation佈置必備Item購物清單 氣球／星空燈／透明吊波

踏入11月，意味住萬眾期待嘅雙11又嚟啦！心水清嘅朋友有無發現今年「天貓雙11全球狂歡季」早咗開始呢？無錯～今年天貓雙11全球狂歡季由1日變咗4日，啱啱過去嘅1-3號已經率先進行咗第一階段嘅「天貓雙11搶先購」！錯過咗嘅朋友唔使擔心，優惠無間斷推出～記得mark低以下日子，把握最後一日掃貨機會啦！

11月11日當天於天貓跨店指定商品每滿¥300 減¥40；淘寶商舖指定商品滿¥200 減¥25，滿¥1000 減¥50；由即日起都會有唔同嘅活動商品優惠推出，大家可以預售或者喺11月11日當日直接落單，同時享有限量嘅¥111物流紅包同¥888現金紅包派發，即刻上淘寶天貓香港站搶啦～

臨近聖誕，相信都有唔少人計劃去Staycation慶祝，今次小編就集合咗一啲Staycation佈置必備裝飾品！記得襯住雙11入貨啦～

#1【字母卡通氣球連吊燈】| ¥23.80-¥48.00

Photo from 阿里巴巴集團

提到Staycation佈置，氣球大概係必備道具榜首吧！無論慶祝咩日子都適合，唔同顏色唔同形狀嘅氣球佈滿整個房間，即刻增添一份童話式嘅浪漫，少女心立刻滿瀉～

呢間店啲波波顏色同種類都幾多，連金銀、黑白色都有～除咗普通氣球都仲有透明亮片氣球、字母氣球同造型氣球！而且有得一個個package賣，包埋打氣筒，有啲仲包吊燈同波波球，最貴嗰set都係¥48.00咋～不過留意返package係唔包氫氣的，如果想要氫氣球就需要另外訂啦～

按此購買：黛丝琪旗舰店

#2【羽毛透明吊波】| ¥55.60

Photo from 阿里巴巴集團

除咗氣球之外，小編非常推薦加呢款吊燈球作點綴～因為佢一個個波波係透明而且可以打開，放咩入去裝飾都得，就算用返本身包埋嘅羽毛都已經好靚～每個波波跟一條線同掛鉤，掛牆掛天花板又得，仲可以買唔同大細增加層次感～如果唔想掛起身都可以就咁訂透明波波（線同掛鉤都可以散買），一堆放喺床都好吸睛～

按此購買：丹凯居家日用旗舰店

#3【字母燈+蠟燭+花瓣】| ¥48-¥118

Photo from 阿里巴巴集團

想加添情調，絕對係要燈光嘅配合～除咗綑喺波波上面嘅吊燈之外，一啲字母燈例如「I Love You」或者「520」呢啲可以表達愛意或者生日祝福嘅發光道具，都真係幾有feel㗎！

呢間同樣有package賣，除咗各式各樣嘅燈，例如藤條燈、霓虹燈、字母燈箱等，都仲包埋蠟燭、蠟燭燈、仿玫瑰花瓣、拉旗等等，超級方便超級抵！

按此購買：喜喆顺旗舰店

#4【仿Instagram即影即有牆】| ¥29.6-¥85

Photo from 阿里巴巴集團

除咗以上嘅佈置Item之外，最可以顯示到佈置者同主角之間嘅情誼，就係相啦～上面提到嘅氣球、吊波、吊燈同蠟燭其實都係講求個情調，加強氣氛嘅～如果主角見到有一幅貼滿你哋合照嘅牆，滿滿回憶湧現，一定會非常感動！

當然如果成幅牆都用即影即有都真係幾破費，所以小編覺得呢間就好方便啦！佢基本package包哂紙皮相框（6寸 20個）、夾、麻繩、無痕鉤、小鐵鎚同吊燈（¥29.60），可以揀唔同顏色嘅燈～另外畀多少少錢仲可以包埋曬相同有多啲相框！真心唔錯～

按此購買：双骏家居旗舰店

#5【星空燈】| ¥43-¥198

Photo from 阿里巴巴集團

如果都仲係覺得唔夠，想將成個宇宙送畀你嘅另一半的話，都有辦法！星空燈就幫到你，用遙控或者手機APP就可以控制投影圖案、燈光顏色同音樂～除咗星空都仲有「Happy Birthday」同普通閱讀模式，Staycation過後仲可以拎返屋企當枱燈添～

按此購買：美乎旗舰店

睇完咁多款介紹，有無心水呢？如果未係好有Idea點佈置到靚一靚嘅話，小編推薦大家可以鎖定全新嘅淘寶電視台，即日到11月11日每日都會有直播節目介紹唔同類型可以喺淘寶買到嘅產品，潮流服裝穿搭、烹飪料理、送禮Idea、家電產品、汽車護理，甚至婚嫁內容都有，睇啱仲可以即刻上淘寶買！

而準備Staycation嘅你哋就要鎖定嚟緊11月7號21:00-23:00播出嘅Staycation節目「玩爆香港」！到時節目會喺香港嘅逸．酒店度做直播，同觀眾分享去Staycation嘅注意事項同裝備，例如Party服裝及裝飾、必玩board game同酒店衛生用品等等～記得留意啦！
淘寶電視台：https://bit.ly/2TF8leE

Presented by：阿里巴巴集團