《后翼棄兵》Netflix年度零負評人氣劇！以西洋棋探索人生　網友：女版《驕陽似我》

近年唔少人都鍾意睇 Netflix、Apple TV、HBO GO 以及 FOX＋ 等串流平台，其中 Netflix 所推出嘅影集不時都會引起唔少熱門話題，如：《 Dark 闇》、《怪奇物語》同《黑鏡》等。 最近又有一套新劇《后翼棄兵》（ The Queen’s Gambit ）喺開播幾日就引起咗唔少話題嘅影集，而且依套劇仲喺外國著名劇評網「爛番茄」 Rottentomatoes 中獲得100%新鮮度，完全零負評嘅好成績添！

Photo from Netflix《后翼棄兵》

依套劇除咗以西洋棋勾勒出美國喺 1960 年代嘅各類失落與渴望，並透過國際棋賽帶大家重返當年嘅苦悶與希望。

Photo from Netflix《后翼棄兵》

《后翼棄兵》背景設定喺第二次世界大戰之後嘅冷戰期間，主要講述一名失去雙親嘅女主角 Beth Harmon （Anya Taylor-Joy 飾演）被發現喺西洋棋方面具有極為驚人嘅天賦，與此同時，佢又對政府所提供畀兒童專用嘅鎮靜劑出現上癮現象，為咗逃避自己嘅心魔，佢選擇靠大量酒精嚟排解壓力。

Photo from Netflix《后翼棄兵》

同時劇中嘅 Beth Harmon 被打造成一個外表漂亮、擁有強勁棋技嘅女棋手，但其內心更渴望擺脫因鎮靜劑所造成嘅成癮症狀，以及打破西洋棋界由男性主導嘅規則及傳統界限，不做被犧牲嘅棄兵，而係成為一名皇后。

Photo from Netflix《后翼棄兵》

劇中女主角 Anya Taylor-Joy 喺 7 集嘅影集中演出從童稚到成熟、從冷硬到熱情、從焦慮到靜定以及從心慌意亂到掌舵人生，不同層次分明嘅人生階段！

Photo from Netflix《后翼棄兵》

而劇中除咗 Anya 之外，仲有唔少好戲之人，如喺《哈利波特》系列中飾演「表哥」嘅 Harry Melling、《移動迷宮》系列中嘅 Thomas Brodie-Sangster 以及《小丑》中飾演警探嘅 Bill Camp，真係 Cast 十足！

Photo from Netflix《后翼棄兵》

至於編劇同執導則由《無神之境》導演 Scott Frank 擔任。

有網友更稱依套人氣劇係 Netflix 嘅年度神劇嚟，事關劇中故事成功將複雜嘅西洋棋變得純粹單純，令每一場安靜嘅對弈過程，成為轟隆熱血沸騰嘅戰鬥，加上巧妙咁透過音樂及各種特寫嚟放大故事嘅張力！令你感動到落淚嘅同時又有滿滿勵志的正能力！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）