download HolidaySmart 假期日常 app
EXO 燦烈被前女友爆交往 3 年出軌10 次 女團成員、YouTuber都有!

EXO 燦烈被前女友爆交往 3 年出軌10 次 女團成員、YouTuber都有!

娛樂新聞
By Ella on 29 Oct 2020
Digital Content Writer

近日韓網瘋傳一位自稱韓國男團 EXO 成員燦烈嘅前女友爆同燦烈交往 3 年期間,男方出軌 10 次,而且對象包羅萬有,仲爆出燦烈同成員不和!

自稱燦烈前女友嘅女仔交代咗同燦烈交往期間燦烈所做嘅事,爆料燦烈同好多女性發生性行為,當中包括女團成員、YouTuber、空姐等,另外仲爆出燦烈同成員不和。而且前女友仲話有將通話錄音!

網傳EXO成員燦烈被前女友爆料。Photo from real__pcy@IG

Photo from real__pcy@IG

該位「燦烈前女友」喺帖文寫道「2017 年 10 月尾左右,你通過朋友攞咗我嘅電話號碼,然後就聯絡我,我哋開始曖昧,然後你表白咗之後我哋就一齊咗。但係喺最近嘅三週年紀念嗰陣,我先發現好衝擊嘅事實。喺我親眼睇到同親耳聽到之前,我都相信你嘅辯解。不過喺我哋交往嘅 3 年期間,你係某人嘅第一次,係某人嘅一夜情對象,喺我熟睡期間,你經常好忙地同一啲新嘅女性骯髒地玩。當中包括女團成員、YouTuber、BJ(直播主)、Dancer、空姐。除咗我同粉絲之外,周圍嘅人都知道你有幾骯髒。你唔鍾意嘅嗰個成員喺唔知我哋嘅關係底下有向我表現出好感,但係你竟然一句說話都冇講,令我好訝異。喺人面前唔表現出嚟,喺背後就係咁鬧人。⋯⋯淨係我聽過你出軌嘅都有 10 個,你係人嘅話就唔應該搞我啲朋友。分咗手後你就打電話嚟挽回,扮唔知,聽到啲女仔嘅名之後你仲話『佢做咩?』⋯⋯我錄咗音,應該都有受害者想聽吓你會點辯解。最搞笑嘅係,只要講出嗰啲同你玩過睡過嘅女仔名,你就唔會話唔知,連扮吓樣都冇。我一直都驚我哋嘅關係畀人發現咗就會影響你嘅事業,所以我哋嘅合照我都會收埋,就連朋友都唔知我有男朋友。就係因為你話過如果有女人問題嘅話,音樂生涯就會玩完,所以我一直都努力守護住呢段感情。⋯⋯依家只係希望世上所有人都知道你有幾衰,唔好再聯絡我。」

Photo from real__pcy@IG

「燦烈前女友」仲上傳咗幾張合照做證據,其中有啲相對比過燦烈家姐 post 過嘅相,相信係燦烈屋企。

Photo from 韓國網站

Photo from 韓國網站

事件爆出之後瞬間登上韓網熱搜第一,引起網民討論。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel