download HolidaySmart 假期日常 app
前國泰空姐爆明星真面目 10大最受歡迎乘客 梁朝偉冇架子第一位係佢!

前國泰空姐爆明星真面目 10大最受歡迎乘客 梁朝偉冇架子第一位係佢!

娛樂新聞
By Ella on 30 Oct 2020
Digital Content Writer

早前一位曾做過空姐嘅 YouTuber Sa 姐大爆好多明星搭飛機時嘅真面目,當中仲講咗 10 個最受歡迎嘅明星乘客,王菲有求必應、梁朝偉毫無架子,第一位係影帝級男神!

第十位 王菲
王菲表面高冷,內心溫暖,合照有求必應,舉止好似鄰家女孩,我行我素,非常有個性。

王菲表面高冷,內心溫暖,合照有求必應。Photo from Pinterest

第九位 張學友
飛長途機嗰陣因為攰所以經理人禮貌地同空姐講唔好合照,回程時咁啱又係同一隊機組人員,經理人就主動同佢哋講張生今日狀態 ok,可以合照,Sa 姐更表示「一個明星紅唔紅到好靠經理人!」亦都話張學友斯文安靜,言談舉止睇得出佢好謙卑。

張學友斯文安靜,言談舉止睇得出佢好謙卑。Photo from Pinterest

第八位 李心潔
李心潔好似鄰家小女孩咁,全程睇書,文青 feel,談吐斯文。

李心潔好似鄰家小女孩咁,談吐斯文。Photo from 李心潔@微博

第七位 梁朝偉、劉嘉玲
兩夫婦好有禮貌,梁朝偉非常親民,好有風度,主動同空姐傾偈,好似朋友一樣。

梁朝偉非常親民,好有風度。Photo from 梁朝偉@微博

劉嘉玲非常有禮貌。Photo from 劉嘉玲@微博

第六位 陳奕迅
陳奕迅喺航空業界出名受歡迎,就算攰都應承合照,畀人印象非常好。

陳奕迅就算攰都應承合照。Photo from 陳奕迅所長@微博

第五位 周潤發
有一次發哥最後先上機,向每一個機組人員道歉,解釋話頭先有班 fans 要求合照簽名所以遲咗。Sa 姐因此表示「一個人成功唔係冇理由!」

發哥有一次最後先上機,向每一個機組人員道歉。Photo from Pinterest

第四位 任賢齊
任賢齊係一位「好好先生」,自己坐頭等艙,家人坐商務艙,但係都去商務艙幫太太湊仔,餵小朋友食嘢,仲會幫太太收拾行李。

任賢齊係一位「好好先生」。Photo from 任賢齊@微博

第三位 張曼玉
張曼玉毫無架子,同法籍男友一齊搭飛機,自己本來坐頭等艙,男友坐經濟艙,但起飛後立即陪男友坐經濟艙。

張曼玉毫無架子。Photo from Pinterest

第二位 舒淇
舒淇非常有禮貌,毫無架子,仲同空姐談論感情問題,又話明白空姐辛苦,表示自己好羨慕不過唔夠高做空姐。

舒淇非常有禮貌,同空姐談論感情問題。Photo from 舒淇@微博

第一位 古天樂
古天樂係好有善心嘅人,親民有禮,連經理人都好有禮貌又靚仔,係最受空姐歡迎嘅藝人。

古天樂親民有禮,係最受空姐歡迎嘅藝人。Photo from 古天樂@微博

其實空姐空少真係唔易做,YouTuber Sa 姐都表示有時一句「辛苦晒」、「多謝」都已經令佢哋覺得好窩心~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel