download HolidaySmart 假期日常 app
【11月星座運勢】白羊、金牛、雙子、巨蟹運程一覽!雙子易有爭吵?

【11月星座運勢】白羊、金牛、雙子、巨蟹運程一覽!雙子易有爭吵?

生活熱話
By Ella on 02 Nov 2020
Digital Content Writer

話咁快就 11 月,新一個月新一個開始,相信好多人都好奇 12 星座喺今個月嘅運程如何。今次就睇吓白羊座、金牛座、雙子座及巨蟹座 11 月嘅運勢,到底喺工作、愛情及金錢方面如何呢?

白羊座
白羊座嘅朋友今個月健康方面比較差,要注意飲食及衛生習慣。喺金錢方面,今個月花費會比較多,都係使喺啲有用嘅支出上,不過記住要量力而為。係工作同人際關係上,對其他人唔好太掏心掏肺,特別喺一啲社交場合,以免畀人哋知道太多,咁樣未必係一件好事。喺感情方面,11 月愛情運唔錯,可以好好享受。

白羊座代表藝人——陳喬恩Photo from iam_joechen@IG

白羊座Photo from Pinterest

金牛座
金牛座嘅朋友無論喺交友、戀愛及工作上,都唔好去強逼人哋鍾意自己,而係要努力令自己成為值得人哋鍾意嘅人,所以要培養自己嘅能力,唔好太過於包裝自己,要展現自己真實嘅一面,人哋先會想親近你。喺金錢方面,金錢消費方面,自己要好好分配。另外,工作上需要同客戶接觸嘅朋友,今個月要多花心思,可能會有好好嘅成績。

金牛座代表藝人——湯洛雯Photo from roxannetong@IG

金牛座Photo from Pinterest

雙子座
雙子座嘅朋友今個月感情運方面麻麻地,相處上可能會出現一啲問題,容易有爭吵,所以要用高情商去應對。喺工作同金錢方面,今個月嘅第六感非常敏銳,如果有一啲諗法嘅話要付諸實行,如果淨係得個「諗」字唔行動就太可惜了。喺工作方面嘅人際關係上,特別係同啲有權有勢嘅人相處時,要記住唔好畀人掌握住自己,一定要照住自己嘅諗法,勇敢去做。

雙子座代表藝人——佘詩曼Photo from charmaine_sheh@IG

雙子座Photo from Pinterest

巨蟹座
巨蟹座嘅朋友今個月嘅金錢運唔錯。喺感情方面,同人嘅交流上可能會出現一啲莫名嘅爭執,不過都係可以避免嘅。喺工作方面,可能會有新嘅機會,要記住把握今個月出現嘅任何機會。巨蟹座嘅朋友今個月要積極啲,當有問題出現嘅時候千萬唔好怕,要勇於承擔,結果往往都會唔錯。今個月喺人際關係上會衍生好多機會,可能係商機,亦有可能係感情機會,所以如果有任何社交場合都應該多參與並好好表現自己。

巨蟹座代表藝人——郭羨妮Photo from sonijakk@IG

巨蟹座Photo from Pinterest

之後幾日仲會有其他星座嘅 11 月運勢一覽㗎,記住留意啦~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel