Netflix 人氣劇《屍戰朝鮮》外傳　全智賢領軍主演揭喪屍終極祕密　 最快 2021 年有得睇！

7 月時曾掀起大家追韓版古裝喪屍熱潮嘅 Netflix 人氣劇集《屍戰朝鮮》就正式宣布由全智賢主演嘅《屍戰朝鮮》外傳《Kingdom: Ashin of the North》將會喺嚟緊 2021 年推出，佢哋仲釋出外傳釋出上映預告。同時今次外傳嘅 cast 陣容，可以話絕對值得大家期待！

Photo from Netflix

《Kingdom: Ashin of the North》嘅故事除咗會揭曉全智賢所飾演嘅神秘角色真實身份及背景故事外，仲會揭曉生死草同喪屍嘅「終極祕密」，解開北方未解之謎。

Photo from Netflix

雖然未個知今次嘅特別集數中，第一、二季嘅朱智勛同裴斗娜會唔會繼續參演，但可以肯定嘅係全智賢同第二季先加入飾演「御營大將」嘅實力派演員朴秉恩將會繼續演出，唔知兩人喺劇中又有咩關連呢？！

Photo from Netflix

另外，今次外傳仲搵嚟第一季嘅導演金成勳以及王牌編劇金銀姬再次回歸，仲會同 「神劇製作公司」 Studio Dragon 攜手合作添！

Photo from Netflix

而且劇集為咗令觀眾有更高嘅視聽享受，將會採用4K HDR 畫質拍攝以及杜比視界（Dolby Vision）同全景聲（Dolby Atmos）製作，可以話係韓國影史上第一次。難怪消息一出隨即引起大家嘅關注。

《Kingdom: Ashin of the North》嚟緊就會喺 2021 年推出，到時必定再掀起韓版古裝喪屍熱潮。

預告片：

大家喺等外傳開播前又可以再煲多次《屍戰朝鮮》第一同第二季喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）