「細龍太」陳偉琪被雪藏復出無望？疑轉行做司儀、公關！家境富裕高學歷

《愛回家之開心速遞》飾「細龍太」一角嘅陳偉琪被爆因負面新聞多，形象太差而被大台雪藏。事隔近兩個月，有指佢見復出無望，近日寄出唔少CV打算轉行做公關。

陳偉琪憑《愛回家之開心速遞》中「細龍太」一角成功入屋，雖然角色Jenny於劇中並唔討好，做咗唔少衰嘢，但仍非常受觀眾歡迎。

但喺8月時，有消息指因為佢因酒駛被捕、疑背住正牌男友出軌等負面新聞太多，影響形象而被大台踢出劇組「雪藏」。

近日有指陳偉琪兩個月未有工作，眼見復出無望，近日寄出唔少求職信、CV打算轉行做公關、專注做司儀。佢亦喺IG寫道：「這幾個月，大家也在努力抗疫。深信很多人因應時勢都在經歷轉換新環境、新方向。在這過程總會反覆猜疑自己能力，甚至人生目標。感激這個過程，享受這個過程，因為這樣會讓自己變得更加堅強。#共勉之」

其實佢家境富裕，學歷又高。之前有爆料指陳偉琪搬入西貢千呎獨立屋，佢本身係加拿大大學University of British Columbia哲學系同政治系雙學位學士，精通4種語言（廣東話、普通話、英文、法文），仲周身刀：鋼琴、泰拳、豎琴、網球、籃球都難唔到佢！

可左右滑動看圖：

陳偉琪2011年參加溫哥華華裔小姐，勇奪亞軍、最上鏡小姐同最優雅模特獎後入行，更報名參加「世界表演藝術錦標賽」，獲得戲劇、模特項目金獎、鋼琴獨奏銀獎、豎琴solo銀獎！

高學歷出身，家境又好，相信佢都「唔休做」，做戲多為興趣～

圖片來源：陳偉琪 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）