【11月星座運勢】射手、摩羯、水瓶、雙魚運程一覽！摩羯座係十二星座中運勢最好？

射手、摩羯、水瓶及雙魚 11 月嘅運勢如何呢？

延伸閱讀：《獅子、處女、天秤、天蠍 11月運程一覽》

射手座
射手座今個月運勢看似唔錯，但偶爾都會有啲小麻煩。喺工作上，要留意自己提出嘅建議一定係可以具體實行，咁樣先會突顯到你嘅重要性，所以講任何說話之前都要先思考。金錢方面，偏財運好過正財運。感情方面，說話前要諗清楚，太直接嘅話可能會傷害彼此。

Photo from aliaime@IG

Photo from Pinterest

摩羯座
摩羯座喺 11 月入面係十二星座中運勢最好！首先喺工作方面，好多人講嘅嘢未必係真，所以唔需要全部聽入耳。不過新認識嘅朋友反而對你有利，所以好好對待新朋友或者客戶，對你會有幫助。金錢運上，投資自己係好事，如果用喺教育或培養專業訓練上嘅話會更加好。感情方面，相處融洽，如果有心儀嘅對象不妨多花時間同佢相處。

Photo from jaychou@IG

Photo from Pinterest

水瓶座
水瓶座今個月同朋友相處唔錯，不過喺工作上同一啲有利益相關嘅人相處就會出現小小問題，彼此都要清楚利害關係後先好去說話同做事，咁樣會比較妥當。喺生活上，積極嘅態度會帶來積極嘅結果，所以正面嘅思考好重要，如果運用喺工作上，會帶來好好嘅結果。喺感情方面，要記住調整好自己嘅心情，你展現咩態度就會回饋咩環境。

Photo from q_gill@IG

Photo from Pinterest

雙魚座
雙魚座喺感情方面要留意，有啲說話唔講會比較好，咁樣同另一半相處時就可以避免爭執。工作方面，總有人會提出一啲你唔認同嘅意見，不妨換個角度思考，每個人嘅個性都唔同，做事方法都唔同，咁樣諗或者就可以理解對方點解會咁做。金錢方面，玩樂花費會比較多，所以要留意啦。

Photo from angelababyct@IG

Photo from Pinterest

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）