download HolidaySmart 假期日常 app
【全民造星3】顧定軒被狂串:演員唱歌都係坎坷!自彈自唱《遇見》險跌至復活區 

【全民造星3】顧定軒被狂串:演員唱歌都係坎坷!自彈自唱《遇見》險跌至復活區 

生活熱話 電視電影 娛樂新聞
By Charlie on 04 Nov 2020
Digital Content Writer

ViuTV 選秀節目《全民造星3》開播啦!演員出身嘅顧定軒(Zeno)可以話喺眾多參賽者入面知名度最高嘅一位,而佢參加面試、綵排同前哨戰嘅片段亦都喺第 2 集曝光,旁白仲要狂串佢:「演員唱歌都係坎坷!」

顧定軒Photo from viutv

顧定軒入行 8 年已經拍過唔少電視劇同電影,如《那些我愛過的人》、《翠絲》等,今年仲可以同影帝郭富城喺《麥路人》演對手戲!相比起其他參賽者,顧定軒已經有唔少機會,所以大家都好唔明白點解佢仲要嚟參加《造星3》。

《那些我愛過的人》Photo from ig@zenokoo

今年上映嘅《麥路人》同城城合作Photo from facebook @koozeno

顧定軒就喺面試時表示想透過演戲以外嘅方式同觀眾接觸,同埋想用音樂令觀眾了解最真實嘅自己,但好怕遲啲就再無機會咁做,所以就決定參加《造星3》。

Photo from 《全民造星3》

但顧定軒唱歌的確麻麻,佢喺前哨戰嘅綵排中唱盧廣仲嘅《幾分之幾》唱到走晒音,令到監製花姐都批評佢「唱歌無記憶點」、「變咗一個好普通嘅男仔企喺度唱歌」。旁白亦狂串:「演員唱歌都係坎坷」、仲話「真係衰咗咪返去同天王拍戲囉」!

綵排當日,花姐仲問顧定軒做乜著成咁Photo from 《全民造星3》

Photo from 《全民造星3》

至於兩位導師林二汶同彭秀慧都唔多睇好顧定軒唱歌跳舞,林二汶就話佢對唱歌無乜信心,而彭秀惠就覺得佢唱歌跳舞唔多亮眼,都係靠之前儲落嘅人氣頂住。

Photo from 《全民造星3》

最後顧定軒喺前哨戰中自彈自唱孫燕姿嘅《遇見》,一開聲嗰下林二汶已經皺晒眉!因為佢手結他又唔多熟練,加上歌喉又麻麻哋,所以表演完只有得到卓韻芝一盞過關藍燈。

Photo from 《全民造星3》

本身只有卓韻芝撳咗藍燈Photo from 《全民造星3》

花姐見到之後極肉緊彈起,仲好激動咁話:「畀多一盞佢啦!唔好呀!」而後台兩位導師都相當緊張,睇得出佢哋都好鍾意顧定軒。就連卓韻芝都問另外兩位評判 Eric Kwok 同 Joey Tang 做咩唔撳燈。

花姐好肉緊!Photo from 《全民造星3》

後尾 Eric Kwok 先至撳燈,顧定軒先唔使跌入復活區!後台嘅花姐同兩位導師即刻開心到彈起!

Photo from 《全民造星3》

3位開心到彈起Photo from 《全民造星3》

而喺顧定軒講緊嘢嗰時,Joey Tang 亦都撳燈,並表示顧定軒畀人感覺好真摯。彭秀慧喺後台亦大讚顧定軒雖然唔多靚仔,但就好有個人魅力同耐看。

最後Joey Tang都畀咗藍燈Photo from 《全民造星3》

不過網民對於顧定軒走嚟唱歌反應兩極,有人覺得佢真係唔啱唱歌,但又有人覺得其實佢表現都唔算差,仲為佢加油!

網民有讚有彈!Photo from viutv facebook

最後林二汶搶人成功,顧定軒進入該隊。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel