download HolidaySmart 假期日常 app
金城武初戀!52 歲台灣美魔女林葉亭似徐若瑄 X 蒼井空 X 陳妍希混合體 因依樣嘢同男神分手

金城武初戀!52 歲台灣美魔女林葉亭似徐若瑄 X 蒼井空 X 陳妍希混合體 因依樣嘢同男神分手

生活熱話 娛樂新聞
By Celia on 05 Nov 2020
Digital Editor

男神金城武私生活向來低調,簡直可以用神秘嚟形容,正正就係因為依份神秘感,令佢喺自出道以嚟其私生活一直引嚟唔少人嘅關注,而金城武咁多年嚟就只公開過兩段戀情,之後就冇再公開認過戀情。最近就有台灣媒體報導指當年佢同初戀分手嘅原因,竟然同金城武爆紅有關!

金城武當年剛喺台灣出道,仲未到香港發展,依兩段關係中,其中一位就喺現年 52 歲嘅台灣美魔女林葉亭,就咁睇外貌仲好似係徐若瑄加蒼井空再加陳妍希嘅混合體添。

Photo from 林葉亭/IG

當年林葉亭係一名歌手,曾經出過兩張個人專輯,當年二人可以講係一對金童玉女,十分般配。但因為林葉亭一直未有大紅大紫,但反觀金城武就愈嚟愈紅,因此有指女方因為事業而感到自悲所以提出分手,期後更轉型成為服裝及造型設計師。

Photo from 林葉亭/IG

雖然林葉亭已經轉型,但佢不時都會喺綜藝節目上教大家穿著化妝技巧。

Photo from 林葉亭/IG

早年林葉亭更開始代理日本服飾品牌,據知如今全台灣已有超過 60 家分店,年營業額高達 5 億台幣。

Photo from 林葉亭/IG

Photo from 林葉亭/IG

除咗事業有成之外,喺家庭方面亦非常幸福。與金城武分手後,林葉亭下嫁搖滾歌手高人傑,婚後二人育有兩名兒子,林葉亭不時仲會喺其 IG post 相晒幸福。

林葉亭下嫁搖滾歌手高人傑,婚後二人育有兩名兒子Photo from 林葉亭/IG

齋睇相真係睇唔出佢已經 52 歲,身材同靚樣都Keep得好好呀!難怪大家都讚佢係美魔女嚟喇~

齋睇相真係睇唔出佢已經 52 歲,身材同靚樣都Keep得好好呀!Photo from 林葉亭/IG

唔知佢有咩凍齡秘訣呢?!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel