電視劇《十月初五的月光》將翻拍？擬似新版演員候選名單曝光　何依婷/陳家樂/周柏豪有望接棒重演經典角色

TVB 依套電視劇《十月初五的月光》都可以算係經典電視劇之一嚟，繼 2015 年推出電影版後，近日又有傳聞指 TVB 有意翻拍依套劇，仲有擬似演員候選名單曝光添！名單中有唔少仲係近年被力棒嘅新晉演員嚟㗎～

經典劇集《十月初五的月光》喺 2000 年開播，當時故事以澳門十月初五街為背景，講述一對自小青梅竹馬但無血緣關係嘅兄妹文初（張智霖飾）同祝君好（佘詩曼飾）以及司徒禮信（馬浚偉飾）三人之間嘅浪漫愛情故事，並以兩代之間嘅親情及愛情為主線。

Photo from 《十月初五的月光》

Photo from 《十月初五的月光》

依套電視劇相隔 20 年後再翻拍，而喺演員候選名單中，祝君好一角有傳將會由 2017 年港姐亞軍何依婷（Regina）接捧。

Photo from 何依婷/IG

而初哥哥就有傳由陳家樂或周柏豪演出。

Photo from 陳家樂/IG

Photo from 周柏豪/IG

至於其他嘅候選角色就有傳司徒禮信將由金或丁子朗飾演。

Photo from 何廣沛/IG

Photo from 丁子朗/IG

大隻仔金勝傳由身材同樣係大隻仔嘅郭子豪飾演。

Photo from 郭子豪/IG

而劇中君好嘅好姊妹海琳同依文就會由蔡嘉欣、謝嘉怡、陳楨怡、郭柏妍等幾位港姐試鏡後挑選。

Photo from 蔡嘉欣/IG

Photo from 郭栢妍/IG

現年26歲嘅何依婷擁有甜美臉孔向來甚有觀眾緣。喺 2019 年開始為《學是學非》中擔任是非精開始備受觸目，其後又喺《機場特警》中飾演安安一角，其中著比堅尼洗車一幕更引起唔少熱議。唔知佢演嘅祝君好又會係點呢！？

Photo from 何依婷/IG

Photo from 何依婷/IG

新版《十月初五的月光》預計會喺明年 1 月開拍，唔知到時除咗會由一班新生代接棒外，會唔會搵番當年嘅演員返嚟客串演出，或者由「好姨」薛家燕再飾演 QE 朱莎嬌呢！？

Photo from 《十月初五的月光》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）