download HolidaySmart 假期日常 app
Netflix 11 月 5 套必睇電影劇集推介 《母子逆緣》、《王冠:第四季》

Netflix 11 月 5 套必睇電影劇集推介 《母子逆緣》、《王冠:第四季》

電視電影
By Ella on 06 Nov 2020
Digital Content Writer

早前《Emily in Paris》非常高人氣,近期《后翼棄兵》反應熱烈,11 月唔知追咩劇好?今次推介 11 月 Netflix 必睇 5 套新劇、新戲,今個月就可以慢慢追~

《母子逆緣》上線日:11 月 3 日
《母子逆緣》由長澤正美、阿部貞夫及奧平大兼主演,改編自震驚日本社會嘅真人真事。

《母子逆緣》由長澤正美、阿部貞夫及奧平大兼主演。Photo from 《母子逆緣》

故事講述單親媽媽「秋子」(長澤正美 飾)同兒子「周平」(奧平大兼 飾)相依為命,為扶養兒子同生活,流連於唔同嘅男人之間。直至遇到聲稱愛自己嘅酒店男公關「遼」(阿部貞夫 飾),兩人情投意合,四處玩樂,但呢場戀愛卻係另一個無底深淵。

《兜亂公主闖情關:反轉再反轉》上線日:11 月 19 日
《兜亂公主闖情關:反轉再反轉》由 Vanessa Hudgens、Nick Sagar 及 Sam Palladio 主演。

《兜亂公主闖情關》Photo from Netflix

故事延續上一集,「瑪格麗特」(Vanessa Hudgens 飾)即將接受加冕,但佢同「奇雲」(Nick Sagar 飾)之間嘅感情出現危機。外貌同「瑪格麗特」相似嘅「史黛西」(Vanessa Hudgens 飾)打算出手相助,點知竟然出現第三張相似嘅臉孔,打亂計畫。

《The Call:超時空通話》上線日:11 月 27 日
《The Call:超時空通話》由朴信惠、全鍾瑞及金成鈴主演,係一部懸疑驚悚電影。

《The Call:超時空通話》由朴信惠、全鍾瑞及金成鈴主演。Photo from 《The Call:超時空通話》

故事講述好耐冇返老家嘅「書妍」(朴信惠 飾)用舊電話撥打自己嘅電話號碼,卻意外接通去一個陌生女仔嘅電話,電話另一邊嘅「英淑」(全鍾瑞 飾)係生活喺 20 年前嘅人,兩人成為好友,但都同時捲入咗未知嘅謎團,為自己招來危險。

《王冠:第四季》上線日:11月15日
《王冠》好評不斷,第四季終於登場!今季嘅故事會以 1980 年代嘅英國皇室為背景,黛安娜王妃即將登場!

《王冠》好評不斷,第四季終於登場!Photo from 《王冠:第四季》

1970 年代即將步入尾聲,伊莉莎白女王(Olivia Colman 飾)將心思放喺鞏固王位傳承上,為年屆三十仍未娶妻嘅查爾斯王子(Josh O'Connor 飾)尋找王妃。英國首位女相瑪格麗特 · 柴契爾(Gillian Anderson 飾)同女王嘅關係日益緊繃。查爾斯王子同年輕女爵黛安娜(Emma Corrin 飾)嘅戀情為英國人民帶來童話般嘅情節,然而,呢個皇室其實正在慢慢分裂。

韓版《致我們單純的小美好》上線日:11 月 30 日
《致我們單純的小美好》由金曜漢、蘇珠妍及呂會鉉主演,係內地劇《致我們單純的小美好》嘅韓劇版。

《致我們單純的小美好》由金曜漢、蘇珠妍及呂會鉉主演。Photo from 카카오TV@YouTube

故事講述「車憲」(金曜漢 飾)係學校嘅「臉蛋天才」,非常聰明,近乎完美。青春活潑嘅「申率伊」(蘇珠妍 飾)暗戀「車憲」,同時游泳健將「禹大誠」(呂會鉉 飾)都暗戀住「申率伊」。劇情圍繞住佢哋三個之間發生嘅青春愛情故事。

有咁多新劇,今個月就唔怕冇劇追啦~

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel