【Netflix必看】《安眠書店》第3季開拍　加入多個新角色！料2021年上映

By Charlie on 06 Nov 2020

Digital Content Writer

Netflix人氣懸疑劇集《安眠書店》（YOU）自2018年開播以嚟就大受歡迎！官方亦都終於傳嚟好消息，宣布第三季已經開拍，而主演 Penn Badgley 同 Victoria Pedretti 都會回歸～

Photo from netflix

Netflix 喺 Twitter 發布咗 Penn 戴住口罩嘅正面相宣布第三季正式開拍！最特別嘅係 Penn 嘅口罩上面印上咗佢角色嘅口頭禪「Hello You」，相當有趣！

We recommend you stay at least 6 feet from Joe Goldberg at all times.

YOU Season 3 is back in production. pic.twitter.com/ijti25tPFk

— Netflix (@netflix) November 2, 2020

《安眠書店》改編自 Caroline Kepnes 嘅同名小說，講述 Joe Goldberg 利用社交平台去慢慢窺探唔同女性嘅生活同喜好，從而令到心儀嘅女仔愛上佢，同佢一齊到終老。

Photo from Amazon

第一季就係關於 Joe （Penn Badgley 飾）同 Beck （Elizabeth Lail 飾）嘅故事， Joe 同 Beck 拍拖之後，為咗令 Beck 永遠留喺佢身邊， Joe 不惜將身邊嘅情敵全部殺死，但最後 Beck 發現咗 Joe 嘅秘密，慘遭殺害。

Photo from 《YOU》劇照

Joe 喺第二季已經搬至洛杉機，仲改名換姓，以第二個人嘅身份生活，而佢喺當地遇到 Love（Victoria Pedretti 飾），並用上同一手法去令 Love 愛上佢。但原來 Love 同 Joe 都係同一種人，就算知道 Joe 嘅惡行都唔打算離開佢。

Photo from 《YOU》劇照

喺第二季嘅結局中， Love 向 Joe 宣布已經懷孕嘅消息，而 Love 利用咗家族強大嘅勢力阻止命案嘅調查，最後就同 Joe 搬到郊區重新開始，但 Joe 喺結尾疑似睇中咗鄰居，唔知 Love 到時會點樣「處置」 Joe 呢？

Photo from 《YOU》劇照

大家亦會喺第三季中見到唔少新臉孔！《變形金剛》嘅 Travis VanWinkle 將飾演同 Joe 好熟嘅有錢仔「Cary」、《小鎮滋味》嘅 Shalita Grant 將飾演同 Love 扮老友嘅雙面人「Sherry」。

Fresh blood joining You Season 3:

Shalita Grant will play Sherry, a "Mom-fluencer" who appears down to earth, but is actually a mean girl who only pretends to welcome Love into her social circle.

Travis VanWinkle will play the wealthy Cary, who invites Joe into his inner circle pic.twitter.com/Js70prlmZv

— Netflix Queue (@netflixqueue) October 15, 2020

而 Scott Speedman 將飾演神秘內向嘅 CEO「Matthew」

Scott Speedman has joined the cast of YOU Season 3!

He’ll play Matthew, a successful CEO, husband, and uncommunicative father. He's reserved, mysterious, and has a tendency to be withdrawn ... all of which masks a deep well of emotion underneath pic.twitter.com/EYp7Xfg65u

— Netflix Queue (@netflixqueue) October 21, 2020