人氣 5 米高 Peppa Pig 登陸荷里活廣場！聖誕劇場/「冰」上碰碰車樂園　4大必到可愛打卡點～

風靡全球嘅粉紅豬豬 Peppa Pig 陪伴無數小朋友一同成長，每逢聽到其可愛招牌叫聲必定令大家開懷大笑，帶來無限歡樂！嚟緊聖誕節，Peppa pig 一家將會同朋友齊齊登陸荷里活廣場「Peppa Pig聖誕嘉年華」同大家舉行華麗繽紛嘅聖誕派！現場仲會設有全港首個「Peppa Pig兒童碰碰車樂園」，畀小朋友盡情暢玩！

由 11 月 18 日至 2021 年 1 月 3 日荷里活廣場將化身成洋溢濃濃聖誕氣氛嘅冬日嘉年華會場，由 Peppa Pig、George Pig、Daddy Pig、Mummy Pig 及一眾朋友為大家締造開心驚喜，鍾意 Peppa Pig 嘅大家記得唔好錯過呀！

今次會場設有全港首個「Peppa Pig 兒童碰碰車樂園」，Mummy Pig、 Pedro Pony、Mr Elephant 、Emily Elephant 同 Zoe Zebra 齊齊喺樂園中為小朋友送上好玩又刺激嘅「冰」上迷你碰碰車！樂園以溜冰場為藍本， 畀大家坐喺迷你碰碰車上自由滑翔！

現場除咗碰碰車樂園之外，仲有4大必到打卡位添！

1. Peppa Pig 聖誕劇場
Peppa 聯同 Santa Clause 與一眾好友 Suzy Sheep 及 Gerald Giraffe 齊齊喺舞台上演聖誕故事劇場，與聖誕老人及小朋友分享生活中嘅喜與樂！

2. 5 米高 Peppa Pig 炫亮聖誕樹
和靄可親嘅 Daddy Pig 為子女布置咗巨型聖誕樹！聖誕樹上掛滿閃亮裝飾，仲放埋 Rebecca Rabbit 嘅聖誕造型充滿家庭溫暖！

3. 夢想號馴鹿禮物專車
George Pig 就喺馬戲團帳幕前為大家準備咗乘坐馴鹿禮物專車，為小朋友送上神秘聖誕禮物。

4. Peppa Pig 禮物派對站
佈置咗可愛動物及充滿童真色彩嘅禮物小站內，放滿著七彩繽紛、唔同大小嘅聖誕禮物，Danny Dog 同 Molly Mole 仲誠邀大家一同挑選心水禮物添！

而除咗去現場玩外，商場更準備咗「拋圈圈」活動限定小遊戲，畀大家喺屋企亦可隨時隨地喺手機中玩遊戲贏取獨家禮品。禮品包括：Peppa Pig 精品、商場 $50 購物優惠券或 VIC 會員積分！

玩家只需以手機掃瞄指定 QR code，即可免費參加「拋圈圈」遊戲，參加者需於限時內將圈圈拋擲喺指定玩具目標上，圈到唔同數量嘅玩具目標獲取獎品。

另外，荷里活廣場更貼心準備咗 3 款獨家 Peppa Pig 限定禮品，當中包括：Peppa Pig Tote Bag、Peppa Pig 2021年座枱月曆以及 Peppa Pig 精美貼紙。限定禮品數量有限，換完即止。

荷里活廣場「Peppa Pig 聖誕嘉年華」：
日期：2020 年 11 月18日至2021年1 月3 日
時間：中午 12 時至晚上10 時
地點：鑽石山荷里活廣場一樓明星廣場

Peppa Pig 兒童碰碰車樂園：（每日名額有限，先到先得，換完即止）
參加方法：於場內消費滿指定金額，或憑荷里活廣場 VIC 會員指定積分即可預約參加活動一次。

註：每日活動開始前 / 完結後，及於每節體驗完結後，工作人員均會清潔場內設施，並於每日指定時段設有清潔時間。此外，所有參加者於進場前亦必須使用酒精搓手液消毒雙手及由工作人員量度體溫，並於活動期間必須佩戴口罩。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）