【Switch遊戲】2020年20大人氣遊戲排名　《動物森友會》、《Ring Fit》竟然榜上無名！

由於疫情關係，大家都寧願留喺屋企打機多過出街！而 DailyView 網路溫度計就透過大數據去調查今年台灣電玩論壇「巴哈姆特」內討論度最高嘅 Switch 遊戲，結果發現《動物森友會》、《Ring Fit》都榜上無名，而《牧場物語》竟然得第 9 名！

DailyView 透過《KEYPO大數據關鍵引擎》調查，由人氣排行、評分排行、銷售排行、期待排行各方面入手，睇下截至2020年11月3日，邊款遊戲喺今年最多人討論，最受人矚目～

20.《我的世界：地下城》

Photo from nintendo

19.《舞力全開2021》

Photo from nintendo

18.《真・女神轉生III NOCTURNE HD REMASTER》

Photo from nintendo

17.《幻想大陸戰記：盧納基亞傳說》

Photo from nintendo

16.《皮克敏3 豪華版》

Photo from nintendo

15.《隊長小翼新秀崛起》

Photo from nintendo

14.《Fairy Tail 魔導少年》

Photo from nintendo

13.《魔物獵人物語2：破滅之翼》

Photo from nintendo

12.《女神異聞錄5 亂戰：魅影攻手》

Photo from nintendo

11.《Ninjala 泡泡糖忍戰》

Photo from nintendo

10.《世界遊戲大全 51》

Photo from nintendo

《世界遊戲大全 51》集合咗51款益智遊戲，例如跳棋、飛鏢、保齡球等，啱晒開 party 嗰時同朋友鬥智鬥腦！遊戲仲支援單人、多人單機同多人連線添～

9.《牧場物語 橄欖鎮與希望的大地》

Photo from nintendo

童年回憶之一嘅《牧場物語》首次喺 Switch 推出！大家可以打造自己專屬嘅牧場，除咗可以開拓森林、種菜同養動物之外，仲可以同鎮上嘅居民拍拖同結婚，體驗一個悠閒嘅人生！

8.《eBASEBALL 實況野球 2020》

Photo from nintendo

《eBASEBALL 實況野球 2020》畀大家一嘗做棒球手嘅滋味！除咗可以參加比賽之外，仲有 12 款模式畀大家體驗，如職業棒球手、退休生涯等，就好似模擬緊專業棒球手嘅一生咁！

7.《異度神劍 終極版》

Photo from nintendo

《異度神劍 終極版》復刻咗 2010 年 Wii 嘅神作《異度神劍》，遊戲除咗保留咗原有嘅世界觀同設定之外，佢仲喺畫質、場景方面有所升級，大家可以同拎住神劍蒙納多嘅主角「修爾克」一齊對抗機神界～

6.《寶可夢劍／盾》

Photo from nintendo

《寶可夢劍／盾》背景設定喺伽勒爾地區，各位小精靈訓練員會到草原、雪山等地冒險，亦會到訪唔同道館。大家除咗可以自己玩之外，仲可以同全球嘅玩家連線對打添！

5.《瑪利歐賽車實況：家庭賽車場》

Photo from nintendo

相信唔少人都會被《瑪利歐賽車實況：家庭賽車場》驚艷到！因為呢款遊戲用 AR 技術將現實場景同虛擬遊戲結合，玩家需要利用遊戲套裝入面嘅實體遙控車同實體賽道道具，再配合 Switch 遊戲機，就可以自己設計賽道同朋友鬥車。

4.《紙片瑪利歐：摺紙國王》

Photo from nintendo

《紙片瑪利歐：摺紙國王》係瑪利歐 35 周年嘅紀念遊戲嚟，入面嘅角色、環境都變晒做摺紙，帶畀玩家全新嘅玩樂體驗！入面唔同關卡又充滿住解謎、探索等多種設計，唔少玩家都表示好享受玩呢款遊戲！

3.《原神》

Photo from nintendo

《原神》雖然捲入抄襲《薩爾達傳說 曠野之息》嘅風波之中，但都無損佢嘅人氣！遊戲講述唔同嘅主角喺「提瓦特」探索未知世界，搵出失散嘅親人。大家亦可以同其他朋友跨平台聯手挑戰唔同敵人，以搵出「原神」真相。

2.《魔物獵人 崛起》

Photo from nintendo

第二名就係即將喺 2021 年上架嘅《魔物獵人 崛起》！背景設定喺即將要面對「百龍夜行」嘅「神火村」，而角色就要以成為頂尖獵人為目標，並同同伴合作去克服呢場災禍。
遊戲有別於以往嘅版本，今次佢融入咗日本武士嘅味道，仲加入咗「翔蟲動作」、「壁面奔跑」等新技能，為玩家提供全新嘅狩獵體驗

1.《薩爾達無雙 災厄啟示錄》

Photo from nintendo

《薩爾達無雙 災厄啟示錄》圍繞喺 100 年前發生嘅大災厄事件，而主角「林克」就要同各個族嘅英雄一齊奮戰。遊戲除咗繼承咗《薩爾達傳說 曠野之息》入面嘅世界觀外，仲加入咗《無雙》系列獨有嘅玩法添！

雖然大家喺今月嘅20日先有得玩，但佢已經成為討論度最高嘅遊戲，實力真係不容忽視呀！

唔知大家玩開嘅遊戲有無上榜呢～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）