盤點韓國 6 位就快 40 歲嘅「凍齡男神」　玄彬、李準基簡直離晒譜！

相信韓國有唔少男演員都係大家心目中嘅男神，好似玄彬、李棟旭等。但原來唔經唔覺，男神們已經就快 40 歲啦！不過點解喺佢哋臉上完全見唔到歲月嘅痕跡？今次小編為大家盤點 6 位就快 40 歲嘅「凍齡男神」，等大家一齊欣賞男神嘅美貌～

玄彬
韓國「元祖男神」玄彬今年已經 38 歲，當年佢憑韓劇《我叫金三順》爆紅，成為眾多少女心目中嘅男神。如今 15 年過去了，玄彬個樣都仲係冇變過咁，仲比以前多咗男人味～

Photo from vast.ent@IG

Photo from 《我叫金三順》

李棟旭
「陰間使者」李棟旭今年已經 39 歲，當年憑《大話妹》打響知名度，而近年憑《鬼怪》再度爆紅，最近主演嘅《九尾狐傳》口碑亦相當唔錯。但李棟旭竟然已經 39 歲！相比起《大話妹》時嘅佢，依家的確有啲唔同咗，因為愈來愈靚仔！佢已經唔係凍齡，係逆齡！

Photo from leedongwook_official@IG

Photo from 《大話妹》

李準基
李準基今年已經 38 歲，佢同李棟旭一樣都係憑《大話妹》打響知名度，後來憑《月之戀人——步步驚心：麗》再度爆紅。佢同李棟旭一樣都係逆齡生長！好想睇兩位男神同框啊！

Photo from actor_jg@IG

Photo from 《大話妹》

趙寅成
趙寅成今年已經 39 歲，喺韓國係男神級代表，相信大家對佢最熟悉嘅應該係韓劇《沒關係，是愛情啊》。佢雖然唔係童顏，但絕對凍齡有術，同玄彬一樣有一陣男人味～

Photo from IOK Company

Photo from 《霜花店》

姜棟元
姜棟元今年 39 歲，係韓國「四大公共財產」之一，另外嗰三大分別係孔劉、玄彬及蘇志燮。姜棟元最近亦因為電影《屍殺半島》而人氣再度急升。

Photo from YG Entertainment

Photo from 《狼的誘惑》

朱智勛
朱智勛相信大家都唔陌生，佢今年已經 38 歲。朱智勛當年憑韓劇《宮》打開知名度，不過後來少咗接拍影視作品。近年憑住電影《與神同行》爆紅，之後再主演劇集《屍戰朝鮮》而令人氣再度迅速急升。

Photo from _jujihoon@IG

Photo from 《宮》

望住呢幾位男神，就會覺得歲月好似遺忘咗佢哋⋯⋯

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）