download HolidaySmart 假期日常 app
80後經典電視動畫15大排行榜 柯南/美少女戰士/龍珠/咕嚕咕嚕魔法 第一位絕對係大人細佬都愛!

80後經典電視動畫15大排行榜 柯南/美少女戰士/龍珠/咕嚕咕嚕魔法 第一位絕對係大人細佬都愛!

電視電影
By Celia on 13 Nov 2020
Digital Editor

仲記唔記得以前做完功課打開電視,坐定定睇嘅卡通片係邊套呢?有冇一啲係就算長大咗,都會不期然想搵番嚟睇嘅呢?!以下依 15 套經典卡通片,唔知大家又記得邊幾套呢?又有邊套係你最鍾意嘅呢?

不過喺開始睇排行榜前,必須先提醒大家,如果你睇過晒依 15 套卡通片,記得唔好咁大聲話畀人知,因為咁即係代表你已經年紀唔細,小心唔覺意曝露年齡呀!準備好首就開始喇~

第 15 位《為食龍少爺》

《為食龍少爺》一共有 51 集。

故事講述寵物店主鹿谷葉三買咗一隻恐龍蛋化石,點知孵出咗主角五更,而葉三嘅女兒鹿谷初葉更成為咗五更嘅小主人。而故事中更講到主角一家和同五更去到侏儸紀時代,遇到不同趣事。不過大家應該最記得嘅係,五更不停地嗌「五更,五更!」

 

第 14 位《幽遊白書》

《幽遊白書》一共有 112 集,但香港只播到 110 集就冇再播喇。

故事講述四名主角:浦飯幽助﹑桑原和真﹑藏馬﹑飛影喺靈界同魔界嘅冒險,而且第一主角幽助更以一招「靈丸」由頭打到尾。

第 13 位《鋼之鍊金術士》

《鋼之鍊金術士》一共有 51 集。故事講述愛德華·愛力克及弟弟阿爾馮斯十分思念亡故嘅母親,因進行人體鍊成失敗而付出代價,愛德失去左腳、阿爾則失去全身;為咗救弟弟,愛德以右手為代價,拉回阿爾嘅靈魂固定喺鎧甲內。佢哋為咗回復身體,開始踏上尋找賢者之石嘅旅程……而愛德華亦因裝上鋼製義肢「機械鎧」,喺取得國家鍊金術師資格時,大總統給予「鋼」嘅稱號,故稱為「鋼之鍊金術師」。

第 12 位《Keroro 軍曹》

《Keroro 軍曹》一共有 358 集。大家最記得嘅一定係成日畀人叫傻瓜青蛙嘅 Keroro,故事中「伽瑪(Gamma)星雲第58號行星‧宇宙侵略軍特殊先鋒部隊隊長」Keroro軍曹,為咗要進行征服藍星前嘅準備工作,而潛入日向家。但好輕易就被日向家嘅冬樹及夏美擄獲,而侵略用武器Kero球更落入冬樹手中。

隨後軍曹嘅部下們—「雙重人格」Tamama二等兵、「燃燒鬥士」Giroro伍長、「電波系」Kururu曹長、「暗殺兵」Dororo兵長和「恐怖大王」安哥爾‧摩亞也相繼登場…

第 11 位《男兒當入樽》

《男兒當入樽》一共有 101 集。

故事圍繞住櫻木花道喺第 50 次告白失敗中渡過國中,並開始討厭籃球,但升上高中嘅第一天,為討好同年級暗戀對象赤木晴子嘅歡心,毫無籃球基礎嘅櫻木花道未經考慮就加入咗湘北高中籃球隊,然而晴子卻迷戀從初中起就一直係明星球員嘅流川楓。

櫻木嘅潛力、身體素質加上不服輸嘅個性,進步神速,逐漸從原本嘅籃球門外漢,成為湘北高中籃球隊不可缺嘅主力球員。同一時期,國中已經係明星球員嘅流川楓亦加入咗湘北高中籃球隊,原本打算出國嘅佢,喺安西教練指點下決定先成為「日本第一」嘅高中籃球員。

第 10 位《聖鬥士星矢》

《聖鬥士星矢》一共有 114 集。故事設定喺遙遠嘅神話時代,海皇波塞冬、冥王黑帝斯都在覬覦人類賴以生存嘅大地。身為大地守護神嘅雅典娜連同一眾聖鬥士,與無數邪神展開展開嘅連續戰爭。此後,星矢、紫龍、冰河、瞬、一輝等五位青銅聖鬥士喺戰爭中漸漸成長,佢哋打敗咗陰謀篡位嘅教皇雙子座撒加、意欲淹沒大地嘅海皇波塞冬,以及對抗企圖帶嚟永久黑暗嘅冥王黑帝斯。

第 9 位《咕嚕咕嚕魔法陣》

《咕嚕咕嚕魔法陣》分別有 3 季,一共有 107 集。還記唔記得「吉他他老伯」嘅草裙裝扮跳嘅吉他他舞呢?當年真係帶畀小朋友唔少歡笑。故事中性格單純活潑嘅女主角柯柯麗同尼克須要合力再次將復活嘅魔王吉利封印,沿途上二人路經不同嘅村落,接觸不同嘅人,並透過修行提升等級。

第 8 位《龍珠》

《龍珠》一共有 153 集。提到《龍珠》大家諗起嘅一定係悟空、悟天、悟飯、龜仙人以及撒亞人,《龍珠》其實係一部以孩子悟空嘅成長歷程為中心,描述「冒險」、「努力」、「友情」、「戰鬥」嘅長篇冒險漫畫嚟。

第 7 位《柯南》

《柯南》至今已播出咗 875 集,是日本電視動畫中集數最多嘅動畫之一嚟。故事以單一事件作為分集,每個單元大多分為 1 至 2 集,每集大約 30 分鐘。而自 1997 年上映《名偵探柯南:引爆摩天樓》後,每年都會上映一部劇場版,至今已上映 24 部, 另外仲有一部跨作品電影《魯邦三世VS名偵探柯南 THE MOVIE》與兩部 3D 劇場版。

第 6 位《哈姆太郎》

《哈姆太郎》分成五輯,一共有 398 集。哈姆太郎係一隻充滿好奇心嘅黃金鼠,由一位小學五年級嘅少女春名露子(小露)飼養。相信對大家嚟講所象最深刻嘅一定係每集片尾時小露所講嘅「我今日真係好開心呀,我諗聽日一定會更加開心嘅啫。係咪呀,哈姆太郎?」

第 5 位《寵物小精靈》

《寵物小精靈》從 1997 年 4 月開始喺東京電視台播出。「去喇!比卡超」一句旋即成為網絡潮語,依句說話源於主人小智向佢嘅「小精靈」比卡超發號司令,向敵人進行攻擊。而動畫中比卡超嘅進化歷程亦十分過癮,從可愛嘅「比超」到「比卡超」,再到力量更強勁啲「雷超」,真係吸引咗唔少粉絲。

第 4 位《櫻桃小丸子》

《櫻桃小丸子》自 1995 年喺有線電視兒童台首播,其後再改喺 TVB 播出,至今已有超過 1000 集喇!當中最令人難忘人物嘅人物一定非花輪同學同野口同學莫屬。一個自戀,經常撥頭髮發表偉論;另一個陰沉黑暗,不時無故冷笑,細個睇到佢都幾驚。而除咗電視之外,小丸子仲有電影版同真人版添㗎!

第 3 位《百變小櫻》

《百變小櫻》分別有庫洛牌篇1、庫洛牌篇2、小櫻牌篇、透明牌篇以及兩套劇場版。

「百變小櫻魔法神奇誰可阻擋,看我Sakura…」這首兒歌當年喺學校班房成日聽到㗎。故事中嘅大哥哥月城雪兔,為人親切而且能諒解小櫻,處處維護她,絕對係實打實嘅超級大暖男嚟呀!

第 2 位《美少女戰士》

《美少女戰士》共分為五個系列一共 200 集,於 1994 年喺 TVB 首播,係一眾少女心中嘅經典動畫。

相信睇過嘅美女們,細個睇依套動畫時,最期待嘅畫面就是佢哋變身嘅一刻,應該唔少人仲試過跟住音樂變身,因為總覺得變身後嘅佢哋可以擁有強大力量去擊走壞人好勁,而動畫中嘅禮服蒙面俠更係唔少少女心中嘅 dream man。

第 1 位《多啦 A 夢》

《多啦 A 夢》自 1981 年喺 TVB 正式以粵語播出,同時係多啦 A 夢首個海外播放地。播放初期稱為《叮噹》,至 1999 年 6 月將其改稱為《多啦A夢》。

依套動畫絕對係經典中嘅經典嚟,多啦 A 夢喺故事中嘅百寶袋相信係每個睇過依套動畫後都好想得到嘅嘢嚟,其中隨意門更係無通係學生定打工仔發夢都會得到嘅神奇百寶呀我。

唔知大家又覺得邊套最好睇呢?!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel