黃明志執導新作《你是豬》揭馬來西亞歧視議題　入圍多個國際電影節獲肯定

馬來西亞創作歌手黃明志事隔 7 年再次執導！今次就收起搞笑，執導一部以馬來西亞種族歧視為題嘅電影《你是豬》，作品亦都入圍泰國國際電影節同 ARFF 柏林環球國際電影節。

Photo from ig＠nameweephoto

電影取材至 20 年前馬來西亞嘅真實校園暴力事件，事件引致學生墮樓。而黃明志希望透過電影去揭發馬來西亞社會嘅種族歧視問題，仲隱含住佢本人對當局種族政策嘅不滿。

Photo from Youtube@華映娛樂

黃明志亦希望帶出社會唔止得種族歧視問題，校園欺凌、性別歧視、階級問題等都存在，而所有問題都會好似骨牌咁，會有連鎖嘅效應，最後導政悲劇出現。

Photo from 台北金馬影展

由於電影中出現唔少種族，劇本用上中文、英文、馬拉文、福建話同印度文 5 種語言去編寫，某程度上反映出馬來西亞真實嘅社會狀況。

Photo from Youtube@華映娛樂

黃明志為咗令到觀眾更容易入戲，佢本人並無參與幕前演出，更甚佢大膽採用全素人演員班底。

Photo from 台北金馬影展

Photo from 台北金馬影展

因為《你是豬》題材好大爭議，電影喺搵唔到投資方嘅情況下，黃明志以極低成本完成拍攝（約港幣 50 萬），而電影亦都只係用咗 10 日秘密拍攝，相信出嚟嘅效果一定更加真實。

Photo from 華映娛樂

原來喺馬來西亞，因為宗教原因，所以「你是豬」係比起「問候父母」更加侮辱嘅說話。而黃明志更為咗電影創作出主題曲《Happy Family》，並用上 4 種語言嘅粗口填詞，火藥味十足，而歌曲亦入圍金馬獎最佳主題曲。

Photo from Youtube@華映娛樂

由於題材牽涉到敏感議題，所以《你是豬》目前只會喺台灣上映！不過黃明志都好希望可以喺其他國家上映電影。希望未來我哋可以喺香港睇到呢部作品啦～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）