奚夢瑤10年前超模臉曝光！方臉高顴骨進化成尖下巴網紅樣疑整容

奚夢瑤嫁畀賭王兒子何猷君，更誕下男長孫成豪門新抱。佢超模出身，出道11年外貌進化好大。出道時方臉高顴骨鳳眼，現時雙眼皮、尖下巴，完全變咗網紅樣，引嚟「整容」質疑。

奚夢瑤喺2009年出道，出道翌年即參加四大時裝周走秀。佢一出道外貌非常有個性，方臉、高顴骨、眼尾上眺鳳眼。

Photo from 微博

其實奚夢瑤長相可以話非常「超模臉」，有唔少亞洲模特兒嘅面部特色。而佢模特生涯亦頗為順利，唔止係史上首位登上Givenchy全球廣告嘅亞洲模特，更係Victoria's Secret嘅大中華區品牌大使。

可左右滑動看超模時期相片：

Photo from Pinterest

後來佢開始參加綜藝節目，加入娛樂圈後，外貌變得越嚟越標緻。原本嘅方臉變成瓜子臉，下巴變尖。顴骨亦無咁明顯，更有深邃大眼睛同雙眼皮。

可左右滑動看奚夢瑤靚相：

有人認為奚夢瑤由高級「超模臉」變成千篇一律嘅「網紅樣」，質疑佢外貌大變全因有動刀整容。

Photo from 微博

賭王兒子何猷君2019年向佢公開求婚成為熱話，雖然奚夢瑤比何猷君大6歲，但何猷君就曾表示大學時已立志娶奚夢瑤。

Photo from 奚夢瑤微博

Photo from 奚夢瑤微博

結婚後，奚夢瑤為何家誕下男長孫，坐穩「豪門新抱」地位。近日與老公何猷君一齊上綜藝節目《幸福三重奏》，疑爆響口自己有整過容？

Photo from 何猷君微博

吳京妻子謝楠讚奚夢瑤生得後生，唔似大何猷君6年，奚夢瑤即表示：「我這個臉上花了錢的」。

Photo from 《幸福三重奏》

奚夢瑤外貌確實變得精緻，不過何猷君都話大學時已經想娶佢，應該都好中意「超模臉」時期嘅奚夢瑤～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）