download HolidaySmart 假期日常 app
8 套翻拍次數最多經典劇集 第一位被翻拍 7 次!

8 套翻拍次數最多經典劇集 第一位被翻拍 7 次!

電視電影
By Ella on 11 Nov 2020
Digital Content Writer

一套人氣劇集成為經典後一定會引來後人嘅翻拍,不過翻拍版一定會被人話係「毀經典」。今次就盤點 8 套翻拍次數最多嘅經典劇集,第一位竟然被翻拍 7 次!

《原來是美男》2 次
《原來是美男》係 2009 年韓國 SBS 電視台嘅電視劇,洪氏姊妹(洪貞恩、洪美蘭)擔任編劇,由張根碩、朴信惠、鄭容和及李弘基主演。故事講述修女「高美女」(朴信惠 飾)為咗幫助手術中嘅雙胞胎哥哥「高美男」,冒險女扮男裝加入人氣偶像團體「A.N.JELL」。後來被隊長「黃泰京」(張根碩 飾)及隊員「姜新禹」(鄭容和 飾)發現真實身分⋯⋯

《原來是美男》Photo from SBS

該劇人氣非常高,不但捧紅咗咁多個主演,仲被日本、台灣翻拍。2011 年被日本翻拍,由瀧本美織、玉森裕太、藤谷太輔及八乙女光主演。2013 年被台灣翻拍,由汪東城、程予希、黃仁德、蔡旻佑及王思平主演。

《花樣少年少女》3 次
台劇《花樣少年少女》改編自日本漫畫《偷偷愛著你》,2006 年播出,由 Ella(陳嘉樺)、吳尊及汪東城主演。故事講述「盧瑞莃」(Ella 飾)因為跳高選手「左以泉」(吳尊 飾)而努力減肥,並女扮男裝入讀「左以泉」就讀嘅男校櫻開學院,希望接近偶像,期間被「左以泉」發現其真實身分,並暗地裡幫佢掩護,兩人漸生情愫。

《花樣少年少女》Photo from Pinterest

2007 年日本翻拍《花樣少年少女》,由堀北真希、小栗旬及生田斗真主演。2011 年日本再次翻拍,由前田敦子、中村蒼及三浦翔平主演。2012 年韓國翻拍,改名為《致美麗的你》,由崔珉豪、Sulli、李玹雨及金智媛主演。

《王子變青蛙》3 次
《王子變青蛙》係 90 後嘅青春,一部不敗嘅經典。2005 年播出嗰陣非常轟動,由明道、陳喬恩、王少偉及趙小僑主演。故事講述「SENWELL」集團總經理「單均昊」(明道 飾)意外墮海後失憶,被「葉天瑜」(陳喬恩 飾)救返,仲幫佢改名做「茼蒿」,留佢喺雜貨店打工。「單均昊」同「葉天瑜」日久生情,但當「單均昊」恢復記憶後一切就打回原形。

《王子變青蛙》Photo from Pinterest

2011 年印尼翻拍,改名為《灰姑娘的夢想》。內地亦喺 2011 年翻拍,改名為《愛情睡醒了》,由唐嫣、邱澤、戚薇、徐正溪主演。2020 年內地再次翻拍,改名為《忘記你,記得愛情》,由邢菲、金澤主演。喺原版《王子變青蛙》中飾演第二女主角嘅趙小僑仲有份參演,但竟然係飾演女主角嘅媽媽!

《命中注定我愛你》4 次
《命中注定我愛你》都係一部不敗嘅經典,仲打破咗《王子變青蛙》嘅收視紀錄,由阮經天、陳喬恩、白歆惠及陳楚河主演。故事講述「魔法靈集團」社長「紀存希」(阮經天 飾)喺一次郵輪旅行中,唔小心同「陳欣怡」(陳喬恩 飾)共度一夜,「陳欣怡」意外懷孕後逼不得已同「紀存希」結婚,但後來兩人漸生情愫。

《命中注定我愛你》係不敗經典!Photo from 《命中注定我愛你》

2014 年韓國翻拍,由張赫、張娜拉主演。2017 年泰國翻拍並改名為《愛情便利貼》,由 Sukrit Wisetkaew、Esther Supreeleela 主演。2020 年 2 月日本翻拍,由岐洲匠和瀧本美織主演。同年 6 月,內地翻拍,改名為《你是我的命中注定》,由邢昭林、梁潔主演。

《你是我的命中注定》Photo from Pinterest

《我可能不會愛你》4 次
《我可能不會愛你》2011 年播出,由林依晨、陳柏霖主演。故事講述「程又青」(林依晨 飾)同好友「李大仁」(陳柏霖 飾)之間嘅愛情故事。劇集當時紅極一時,橫掃「金鐘獎」7項大獎。

《我可能不會愛你》Photo from Pinterest

2015 年韓國翻拍並改名為《愛你的時間》,由李陣郁、河智苑主演。2018 年內地翻拍,改名為《愛情進化論》,由張天愛、張若昀、許魏洲主演。2019年日本翻拍,同年泰國亦翻拍同名劇集。

《愛你的時間》Photo from SBS

《流星花園》5 次
《流星花園》絕對係經典中嘅經典,F4 仲因為劇集爆紅,《流星雨》一曲冇人唔識。《流星花園》改編自日本漫畫《花樣男子》,2001 年播出,由徐熙媛、言承旭、周渝民、吳建豪、朱孝天主演。故事講述出身貧寒嘅「杉菜」(徐熙媛 飾)入讀貴族學校,喺學校得罪咗「F4」——「道明寺」(言承旭 飾)、「花澤類」(周渝民 飾)、「西門」(朱孝天 飾)、「美作」(吳建豪 飾),自此飽受欺凌。「杉菜」不畏強權、堅強嘅性格漸漸吸引到「道明寺」,並慢慢愛上佢。

F4 人氣非常高!Photo from 《流星花園》

日本喺 2005 年翻拍並改名《花樣男子》,由井上真央、松本潤、小栗旬、松田翔太及阿部力主演。2009 年韓國翻拍,由具惠善、李敏鎬、金賢重、金汎及金俊主演,人氣極高。同年,內地翻拍並改名為《一起來看流星雨》,由鄭爽、張翰等主演。2013 年美國都加入翻拍行列!2018 年內地再次翻拍,由沈月、王鶴棣等主演。

韓版「F4」Photo from 《花樣男子》

《浪漫滿屋》5 次
韓劇《浪漫滿屋》改編自同名漫畫,2004 年播出,由宋慧喬、Rain 主演。故事講述「韓智恩」(宋慧喬 飾)父母留下嘅大屋被賣,巨星「李英宰」(Rain 飾)成為新房東,兩人同住後由鬥氣冤家慢慢愛上對方。

韓劇《浪漫滿屋》改編自同名漫畫,2004 年播出。Photo from 《浪漫滿屋》

2004 年菲律賓都翻拍咗《浪漫滿屋》。2014 年泰國都有翻拍,由 Mike D.Angelo、李海娜主演。2015 年內地翻拍並改名為《幸福小鎮之浪漫滿屋》。2016 年越南都翻拍!2020 年內地又再次翻拍,改名為《仲夏滿天心》。

2014 年泰國翻拍,由 Mike D.Angelo、李海娜主演。Photo from 《浪漫滿屋》

《惡作劇之吻》7 次
日劇《惡作劇之吻》係被翻拍得最多次嘅經典劇集,改編自日本漫畫,1996 年日本播出,由柏原崇、佐藤藍子主演。故事講述笨蛋「相原琴子」(佐藤藍子 飾)同天才「入江直樹」(柏原崇 飾)同住一屋下嘅愛情故事。

日劇《惡作劇之吻》1996 年播出。Photo from 《惡作劇之吻》

2005 年台灣翻拍,由鄭元暢、林依晨主演,劇集人氣極高,廣為人知。2010 年韓國翻拍,由金賢重、鄭素敏主演。2013 年日本又再翻拍,改名為《一吻定情》,由古川雄輝、未來穂香主演。泰國版於 2015 年播放,由Mike D.Angelo、李海娜主演。2016 年台灣再次翻拍,由李玉璽、吳心緹主演。同年日本又再拍成電影《惡作劇之吻 THE MOVIE》。2019 年內地翻拍電影《一吻定情》,由王大陸、林允主演。

台劇《惡作劇之吻》廣為人知。Photo from 《惡作劇之吻》

一套經典劇集竟然被翻拍咁多次,但每次都難以超越原版,反而被網友大呼「毀經典」。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel