download HolidaySmart 假期日常 app
結婚僅 19 個月!李彩華身家過億物業遍布港/澳/英/泰 離婚唔使老公畀贍養費

結婚僅 19 個月!李彩華身家過億物業遍布港/澳/英/泰 離婚唔使老公畀贍養費

娛樂新聞
By Celia on 13 Nov 2020
Digital Editor

藝人李彩華(Rain)去年2月於大陸商人黃彥書(Eric)領證結婚,並喺網上公布婚訊,宣布成為黃太。婚後二人不時享受2人世界去唔同地方旅行,更揚言要喺今年實現生B大計。但可惜今年因為疫情嘅關係,二人分隔異地見面機會近乎零,因而令感情疏離,最終都係決定離婚。

Rain 對離婚一事直認不諱,強調大家是和平分手,不涉及第3者。Rain 早喺今年 9 月已與丈夫喺大陸完成辦理離婚手續,結束二人嘅婚姻關係。據知,佢哋曾經努力挽救婚姻,但經過多月嚟嘅嘗試依然未有扭轉,經商議後決定離婚。

Rain 直言離婚主因係長期分隔異地令感情有變:「雖然我哋日日電話聯絡,但始終見唔到面,溝通上難免出現問題,有問題發生咗好難去解決。結婚至今,我哋加加埋埋見面都唔夠3個月。」

有指 Eric 身世顯赫,喺大陸經營鋼鐵生意,擁有不少物業,家族成員更喺中央政府工作,家族更擁有逾 11 億港元嘅四合院,身家豐厚。被問到離婚後會否向對方爭取贍養費時,Rain就指佢哋二人經濟獨立,並冇向對方爭取贍養費,二人各不拖欠。

實際上,李彩華自己本身都係一個小富婆嚟,佢堅信投資物業係致富之源,加上早年北上發展密密搵銀,接拍多套大熱劇集,人氣急升,至今已拍逾 30 部大陸劇。

Rain 至今已手持 12 個物業,遍佈香港、澳洲、英國及泰國等地,單單香港已手持4個物業,其中兩個位於大坑嘅單位,現時市值共約 7000 萬港元。而喺英國更有 4 個商用物業,估計總市值過億,真係隨時退休歎世界都唔使憂呀!

圖片來源:李彩華 IG 及微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel