胡定欣宣佈離開TVB！兩奪視后：來年以另一個模式帶來更多作品

兩屆視后胡定欣休息一年後宣佈離開TVB，佢感謝喺無線一直以嚟幫佢嘅人，目前佢正在拍攝《白色強人2》，或會成為佢嘅告別作，胡定欣指會加入邵氏，來年以另一個模式帶來更多作品。

胡定欣加入藝員訓練班，喺2003年出道，2015年中，於劇集《鬼同你OT》中飾演女鬼姜蓉（姜姐）一角，大獲好評，更喺2015年《萬千星輝頒獎典禮》中首奪「最佳女主角」。

翌年，《城寨英雄》擔正女主角「刁蘭」，同陳展鵬嘅CP超受觀眾歡迎，成功「冧莊」再奪視后。

胡定欣目前正在拍攝《白色強人2》，或會成為佢嘅大台告別作。

不過近年拍劇數量大減，有傳佢將轉投古天樂公司旗下，又有指佢會同大台續約。胡定欣今日終於宣佈去向，佢表示將加入邵氏兄弟國際影業有限公司，展開合作。

佢喺IG同微博宣佈離巢：「❤️感恩一路以來遇上嘅好人好事，陪伴著我迎來新嘅一頁，今日起我將正式與邵氏兄弟國際影業有限公司展開合作! @shawbrotherspictures

感謝當年芭姐及Ben Chan將我帶到TVB Management！感激樂小姐和已離世嘅佩華姐多年嘅提點，支持同機會！多謝過去18年公司藝員部同事嘅照顧，Angel、Cindy、Atom、Sam、Winpy、Daisy，有你哋陪伴我經歷事業上嘅高高低低，渡過很多難忘時刻！

來年嘅日子以另一個模式為觀眾帶來更多作品，繼續多多指教!~?

#newchapter」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）