download HolidaySmart 假期日常 app
Johnny Depp 被辭演《怪獸與牠們的產地》系列電影 傳角色由《奇異博士》嘅佢頂上!

Johnny Depp 被辭演《怪獸與牠們的產地》系列電影 傳角色由《奇異博士》嘅佢頂上!

電視電影 娛樂新聞
By Ella on 16 Nov 2020
Digital Content Writer

尊尼特普(Johnny Depp)早前宣布被辭演《怪獸與牠們的產地》系列電影中「葛林戴華德」一角,近日就傳出「葛林戴華德」一角將會由丹麥男星邁茲米克森(Mads Mikkelsen)頂上。

Johnny Depp 今年同前妻安柏赫德(Amber Heard)爆出家暴醜聞,令佢形象受損,繼早前被迪士尼辭演《神鬼奇航》中「傑克船長」一角後,佢又喺社交平台宣布被辭演《怪獸與牠們的產地》系列電影中「葛林戴華德」一角,令粉絲感到非常可惜。相反前妻 Amber Heard 就高調宣布回歸《水行俠 2》。

Johnny Depp 今年同前妻安柏赫德(Amber Heard)爆出家暴醜聞,令佢形象受損。Photo from johnnydepp@IG

前妻 Amber Heard 早前高調宣布回歸《水行俠 2》。Photo from amberheard@IG

Johnny Depp 早前喺社交平台宣布自己被辭演《怪獸與牠們的產地》系列電影,並表示理解及尊重此決定,感謝粉絲嘅愛及支持,同時佢亦捍衛自己嘅清白,表示會繼續上訴。

Johnny Depp 早前喺社交平台宣布自己被辭演《怪獸與牠們的產地 3》,並表示理解及尊重此決定。Photo from johnnydepp@IG

雖然 Johnny Depp 目前只係拍攝咗《怪獸與牠們的產地 3》中嘅一場戲,不過根據合約條款,佢依然會獲得千萬片酬。

Photo from 《怪獸與葛林戴華德之罪》

近日傳出「葛林戴華德」一角已有人選,角色將會由丹麥男星邁茲米克森(Mads Mikkelsen)頂上。54 歲嘅 Mads Mikkelsen 曾出演《奇異博士》、《雙面人魔》及《007 首部曲:皇家夜總會》等多部影視作品,演技精湛,加上型佬味十足,累積咗唔少人氣。

近日傳出「葛林戴華德」一角已有人選,角色將會由丹麥男星邁茲米克森(Mads Mikkelsen)頂上。Photo from theofficialmads@IG

Mads Mikkelsen 曾出演《奇異博士》。Photo from 《奇異博士》

Mads Mikkelsen 雖然已經 54 歲,不過依然非常型格,有一種高冷嘅感覺,而且佢多次飾演反派角色,好似《奇異博士》中嘅「Kaecilius」、《007 首部曲:皇家夜總會》中嘅「Le Chiffre」等,如果今次真係成功出演「葛林戴華德」,相信都可以演繹得非常好。

Mads Mikkelsen 雖然已經 54 歲,不過依然非常型格,有一種高冷嘅感覺。Photo from theofficialmads@IG

Photo from theofficialmads@IG

如果角色真係由 Mads Mikkelsen 出演,唔知大家又覺得點呢?《怪獸與牠們的產地 3》原定 2021 年上映,目前決定延至 2022 年 7 月上映。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel