download HolidaySmart 假期日常 app
奮戰20小時!Ella陳嘉樺公開誕勁寶剪臍帶全紀錄 無懼膀胱脫垂相約老公再「造人」

奮戰20小時!Ella陳嘉樺公開誕勁寶剪臍帶全紀錄 無懼膀胱脫垂相約老公再「造人」

娛樂新聞
By Celia on 16 Nov 2020
Digital Editor

台灣女藝人陳嘉樺(Ella)向來敢言,近日佢就舉行咗出道 19 年嚟首場個人大型巡演《艾拉秀》,演出融合咗音樂劇、舞台劇同脫口秀,而當日最令大家驚喜嘅係 Ella is 喺巡演嘅尾聲中播放 3 年前佢誕下愛子勁寶嘅絕密全紀錄片,影片從水中生產失敗、回到床上努力,到最後成功誕下勁寶,發出洪亮哭聲,真係令非常感動。

前人氣女子天團 S.H.E. 繼 Hebe 喺小巨蛋開騷後,今次到另一位成員 Ella,佢喺啱啱過去嘅週末就舉行咗入行以嚟首個個人大型巡演《艾拉秀》,老公賴斯翔、仔仔勁寶、好姊妹任家萱(Selina)、賈靜雯、金剛與女友小嫻、鄭元暢、庾澄慶等都有嚟捧場。

陳嘉樺(Ella)舉行出道 19 年嚟首場個人大型巡演《艾拉秀》Photo from 寬魚國際

而演出中除咗啱少得嘅勁歌熱舞外,佢仲分享咗唔少生活日常畀大家知。喺演出嘅尾聲,Ella講完:「生命從來都不是容易,因為要放棄很容易,但難的是堅持。」之後全場嘅燈光一暗,舞台上嘅屏幕就播出長達 3 分鐘 2017 年 Ella 誕下仔仔勁寶嘅影片。

演出中除咗啱少得嘅勁歌熱舞外,佢仲分享咗唔少生活日常畀大家知。Photo from 陳嘉樺 Ella

其實 Ella 以前都分享過,自己喺生產過程中有幾困難,而產後嘅佢更確診「應力性尿失禁及膀胱脫垂第二級」(即子宮和膀胱脫垂),情況令佢嘅生活及工作造成極大困擾,最後更需要接受膀胱懸吊手術,將下垂之膀胱頸懸吊至較高位置。

片中 Ella 一開始計劃喺水中分娩,一班親友就喺旁邊為佢打氣,不過經過幾番努力都唔成功,最後轉到床上繼續自然分娩。

Ella 一開始計劃喺水中分娩Photo from YouTube/截圖

一班親友就喺旁邊為佢打氣Photo from YouTube/截圖

不過經過幾番努力都唔成功,最後轉到床上繼續自然分娩。Photo from YouTube/截圖

期間 Ella 數度痛到哀號,見 Ella 一面痛苦,老公賴斯翔、Selina 及 Hebe 都見到好心痛,更忍唔住落淚!Selina 更為 Ella 老公遞上紙巾擦淚。

見 Ella 一面痛苦,老公賴斯翔、Selina 及 Hebe 都見到好心痛,更忍唔住落淚!Photo from YouTube/截圖

雖然影片只有短短嘅 3 分鐘,但真實情況係 Ella 足足努力咗長達 20 小時,最後勁寶終於順利出生,發出洪亮嘅哭聲,所有人都喜極而泣。

最後勁寶終於順利出生,發出洪亮嘅哭聲Photo from YouTube/截圖

兩夫妻一齊為仔仔剪臍帶,老公激動地親吻 Ella 表示:「謝謝!」雖然喺片中 Ella 就喊住同老公講:「我差點要放棄了!」

雖然喺片中 Ella 就喊住同老公講:「我差點要放棄了!」Photo from YouTube/截圖

但經過 3  年後,Ella 就喺台上透露自己原訂嘅計劃係生2、3個小朋友,但老公唔捨得佢咁辛苦,所以敢言嘅佢更即場向老公邀約再「造人」:「我不怕苦,還可以再生,你可以不播種,但有些功課還是要做,你要滿足我啊!」

經過 3  年後,Ella 再向老公邀約「造人」Photo from 陳嘉樺 Ella

Ella更透露自己原訂嘅計劃係生2、3個小朋友。Photo from 陳嘉樺 Ella

最後就喺粉絲們感動淚崩嘅情況下,Ella再次優雅現身,並深情獻唱「晚安歌」,為演出劃上句號。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel