劉嘉玲疑用$4000萬古董插花？超富貴生活！晚餐$3.7萬法國紅酒王配鮑魚

劉嘉玲近年減少出演電影、電影劇，又不時喺社交平台分享平時嘅生活，近日有網友發現佢疑用乾隆年製，價值$4000萬嘅古董花樽插花，而晚餐飲嘅紅酒亦近$4萬，富貴生活曝光！

劉嘉玲不時喺社交網站分享生活照，佢近年少喺幕前演出，更多嘅係享受人生。

Photo from 劉嘉玲IG

近日有眼利網民發現劉嘉玲喺網上分享插花圖，當中用嘅花樽非常名貴，疑似係乾隆年間製嘅「粉彩九桃天球瓶」，呢個古董花樽於2017年喺北京拍賣會以4,255萬人民幣成交。

Photo from 微博

Photo from 微博

喺故宮博物院亦有「粉彩九桃天球瓶」嘅相關資料：「粉彩九桃瓶，清乾隆，高64.7釐米，口徑22.2釐米，足徑20.4釐米。瓶直口微撇，直頸，腹部豐滿渾圓，圈足。通體繪桃樹一株，樹幹茁壯，枝上結蟠桃9個，桃樹旁襯一簇月季。底足書青花「大清乾隆年制」六字篆書款。乾隆時期的粉彩瓷器中有大量祥瑞題材的裝飾，這類題材大都借助自然景物寓意吉祥。繪畫工細、層次清晰、內容繁縟是其時代特點。此瓶運用渲染手法繪畫桃實，桃實飾彩濃厚，成功地表現出成熟桃實的嬌艷色彩，構圖疏密有致，形成葉有陰陽向背、樹有老枝新芽的效果，是乾隆粉彩大件器物的代表作品。以九桃紋裝飾瓷器是雍正以來官式瓷器的題材和樣式，至光緒朝仍有仿造。雍正朝的九桃圖樣或見於粉彩天球瓶、粉彩橄欖瓶，或見於過枝紋粉彩盤。在所有雍正、乾隆和光緒時期的粉彩九桃紋瓷器上，以雍正時期的紋樣著色最為鮮艷且最多樣化，繪畫水準最高。」

Photo from 故宮博物院

雖然唔知呢個花樽係咪真係「粉彩九桃天球瓶」，但已令好多網友表示羨慕。

Photo from 故宮博物院

另外一幅晚餐相中紅酒亦被指出係1990年Petrus，獲譽為「波爾多酒王」，價值約為港幣$3.7萬！

Photo from 微博

不過有關相片現已被刪除。其實喺劉嘉玲平日IG可見，佢多數同朋友相聚食飯、行山等，非常享受生活～

Photo from 劉嘉玲IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）