download HolidaySmart 假期日常 app
【聖誕好去處2020】赤柱聖誕市集  近 50 個攤位!聖誕禮品、手作、美食乜都有!

【聖誕好去處2020】赤柱聖誕市集  近 50 個攤位!聖誕禮品、手作、美食乜都有!

香港好去處
By Ella on 17 Nov 2020
Digital Content Writer

聖誕節就到,係時候又要諗去邊到玩~想有得食又有得買,赤柱廣場海濱聖誕市集就絕對係好選擇!

一年一度嘅「赤柱廣場海濱聖誕市集」又嚟啦~由 12 月 12 至 13 日、19 至 20 日(一連兩個星期六及星期日),喺赤柱廣場嘅聖誕市集會有近 50 個攤位,有齊聖誕禮品及手作,包括伊朗傳統工藝、香薰燈、聖誕擺設等,咁就唔怕聖誕節買唔到禮物啦,仲可以買啲聖誕裝飾返屋企佈置添~

一年一度嘅「赤柱廣場海濱聖誕市集」又嚟啦~Photo from 領展

喺赤柱廣場嘅聖誕市集會有近 50 個攤位,有齊聖誕禮品及手作,包括伊朗傳統工藝、香薰燈、聖誕擺設等。Photo from 領展

Photo from 領展

有得買又點可以冇得食呢?市集仲有期間限定美食專區,有多款美食等緊你,包括人氣漢堡「 HONBO」等,行到攰都唔怕搵唔到嘢食~

市集仲有期間限定美食專區,有多款美食等緊你,包括人氣漢堡「 HONBO」等。Photo from 領展

因為疫情關係,今年嘅聖誕市集將會分時段進行,每日有 4 個場次可供預約,有興趣嘅朋友可以由 11 月 20 日起透過領展「泊食易」手機應用程式預約,現場都會有小量即場登記名額留畀冇預約嘅訪客,不過唔想去到先發現滿額嘅話,最好就預先預約啦~

Photo from 領展

另外,大會仲特別設有免費穿梭巴士往返赤柱廣場及金鐘,巴士由中午 12 點至下午 8 點 30 分會喺金鐘海富中心等候,每 30 分鐘一班。而當日會喺出發前 30 分鐘開始派籌,一人一籌,先到先得,派完即止,大家記住預啱時間啦。

大會仲特別設有免費穿梭巴士往返赤柱廣場及金鐘。Photo from 領展

如果想自己揸車去嘅朋友就要留意啦!活動當日停車場只限預約泊車,如果想泊車,可以喺 11 月 20 日起透過「泊食易」手機應用程式預約。

去聖誕市集之餘仲可以順便去赤柱一日遊,千萬唔好錯過啦~

「赤柱廣場海濱聖誕市集」
日期:2020 年 12 月 12 至 13 日、19 至 20 日(一連兩個星期六及星期日)
地點:赤柱廣場天幕廣場及公眾空間

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel