馮盈盈霸氣回應變陳國強「新寵」傳聞！被指突然富貴住海景豪宅/孭名牌袋

26歲馮盈盈被指忽然富貴，唔止住海景豪宅，更孭$20萬Hermès袋，有傳佢踢走張曦雯，升呢做「殼王」陳國強嘅「新寵」，生活質素都高咗。馮盈盈否認傳聞，更霸氣回應指係自己努力工作賺錢得嚟！

港姐冠軍馮盈盈入行後向來直言，佢嘅感情生活同言行舉止都受外界關注。日前有報道指佢踢走張曦雯，升呢做「殼王」陳國強嘅「新寵」。

Photo from 馮盈盈IG

陳國強（殼王）係TVB前主席，雖然依家已唔再擔任呢個職位，但馮盈盈仍被指受對方關照！

馮盈盈近日喺IG分享生活照，但因為網民將重點放喺佢孭嘅Hermès名牌袋竟然價值$20萬，更要VIP訂製，加上搬入海景新屋，有指佢「忽然富貴」。

Photo from 馮盈盈IG

其實佢同前男友曾經一齊供過首期，後來分手，馮盈盈搬到深水埗獨居，最近喺IG post新居照，窗外無敵大海景即引起大眾關注。

Photo from 馮盈盈IG

Photo from 馮盈盈IG

馮盈盈否認成陳國強「新寵」傳聞，澄清對方只係前老闆，與對方並無私下聯絡，又指自己簽咗TVB 10年，所以得到好多工作機會。

Photo from 馮盈盈IG

據知海景豪宅係馮盈盈同家人一齊租住，而盈盈表示爸爸喺佢18歲生日時就送咗第一個Hermès手袋畀佢，之後一直都有送名牌袋畀女兒。

Photo from 馮盈盈IG

對於傳聞，佢霸氣回應稱係靠自己努力工作賺錢得嚟，行得正企得正，又指做女藝人好慘。

Photo from 馮盈盈IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）