download HolidaySmart 假期日常 app
Jasper 做錯事被應采兒批評 反省後舉動令網民大呼心痛

Jasper 做錯事被應采兒批評 反省後舉動令網民大呼心痛

娛樂新聞
By Ella on 18 Nov 2020
Digital Content Writer

早前應采兒同兩個兒子 Jasper、HoHo 拍攝內地真人秀節目《新生日記 2》,喺節目中,Jasper 做錯事激嬲應采兒,後來 Jasper 反思後做出嘅舉動令一眾網民大呼心痛。

節目中,Jasper 做導演,拍攝細佬 HoHo,仲諗咗一個「閃電俠」嘅故事配合拍攝。不過後來 Jasper 突然同應采兒講佢刪除咗啲片,應采兒一聽非常嚴肅,面帶怒氣咁問 Jasper「為甚麼」、「你認真的嗎」,批評 Jasper「你很奇怪」、「導演組要用」。

Jasper 突然同應采兒講佢刪除咗啲片。Photo from 《新生日記 2》

應采兒一聽非常嚴肅,面帶怒氣咁問 Jasper「為甚麼」、「你認真的嗎」。Photo from 《新生日記 2》

Photo from 《新生日記 2》

Jasper 見媽媽咁嬲即刻有啲驚,場面非常嚴肅、尷尬。應采兒爸爸即刻幫 Jasper 解釋話佢可能覺得自己拍得唔好,又為咗緩和氣氛,叫 Jasper 食飯。

Jasper 見媽媽咁嬲即刻有啲驚,場面非常嚴肅、尷尬。Photo from 《新生日記 2》

應采兒爸爸即刻幫 Jasper 解釋,緩和氣氛。Photo from 《新生日記 2》

然而 Jasper 被應采兒批評所以冇心情食飯,當外公話夾啲餸畀佢時,Jasper 雖然心情唔好,不過都仲好禮貌地話:「不要,謝謝。」

Jasper 雖然心情唔好,不過都仲好禮貌地話:「不要,謝謝。」Photo from 《新生日記 2》

之後 Jasper 獨自返房,主動聯絡節目組,同節目組道歉話自己刪除咗條片,承擔責任,節目組安慰返 Jasper 話唔緊要,但 Jasper 內心不停自責,最終細細聲咁喺被竇度喊咗出嚟。

Jasper 獨自返房,主動聯絡節目組,同節目組道歉話自己刪除咗條片,承擔責任。Photo from 《新生日記 2》

Photo from 《新生日記 2》

Jasper 內心不停自責,最終細細聲咁喺被竇度喊咗出嚟。Photo from 《新生日記 2》

另一邊應采兒同父母傾緊件事,應采兒話 Jasper 刪除條片係因為冇幫佢買「閃電俠」嘅衫,Jasper 嬲所以就刪除晒啲片。然而應采兒爸爸覺得佢咁樣鬧個仔唔係幾好,一家人討論教育方式。網民大讚外公外婆冇插手媽媽教仔係好事,要等佢哋自己好好溝通。

應采兒爸爸覺得佢咁樣鬧個仔唔係幾好,一家人討論教育方式。Photo from 《新生日記 2》

Jasper 後來整理好心情,竟然向屋入面嘅每一個鏡頭道歉,網民見到呢一幕大呼心痛,同時又覺得 Jasper 好懂事。

Jasper 後來整理好心情,竟然向屋入面嘅每一個鏡頭道歉。Photo from 《新生日記 2》

Photo from 《新生日記 2》

事後應采兒解釋話覺得「抗壓性」好重要,依家啲小朋友過得太好,好驚佢哋將來一遇到一啲小事就「爆炸」。「這個事情可能不至於摧毀你,但是你先把你自己摧毀了,因為你沒有經歷過壓力」,應采兒覺得遇到挫折要用自己嘅方式去解決,先唔會被困難擊倒。

事後應采兒解釋話覺得「抗壓性」好重要。Photo from 《新生日記 2》

一眾網民雖然心痛 Jasper,不過都紛紛稱讚應采兒嘅教育方式真係好好,將 Jasper 教到好懂事乖巧,「Jasper 真的很好,一看就是教育很好的孩子」、「能認識到自己的錯誤,並且道歉,這也是很珍貴的品質,他很棒」,「采兒教育觀很棒」,亦有網友搞笑話:「我覺得這又可以更名為《Jasper 的成長日記》了」。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel