奚夢瑤稱嫁嘅唔係豪門：我嫁的是愛情！指奶奶梁安琪係自己嘅偶像

「豪門新抱」奚夢瑤同賭王兒子何猷君結婚後一舉一動都備受矚目。日前奚夢瑤接受訪問時就指自己並唔係嫁入豪門而係嫁畀愛情，佢又表示四太梁安琪係自己嘅學習榜樣。

超模出身嘅奚夢瑤同細佢6年嘅賭王兒子何猷君結婚，更為何家誕下男長孫，地位穩如泰山。

Photo from 何猷君微博

成為豪門新抱嘅奚夢瑤同老公何猷君都唔係藝人，但一舉一動都好受外界關注，佢哋亦不時上節目。

Photo from 何猷君微博

早前何猷君夫婦參加內地綜藝節目《幸福三重奏》，節目中兩人互動片段亦成為熱話。何猷君稱自己唔會拎屋企一分錢但引嚟爭議。

Photo from 何猷君微博

近日奚夢瑤接受訪問時被問到佢對「嫁入豪門」嘅睇法，奚夢瑤就表示自己唔係嫁入豪門：「我嫁的是愛情」，又指如果無愛情，咩豪門佢都唔想入。

Photo from 微博娛樂

對於老公何猷君稱自己唔會拎屋企一分錢，希望同太太一齊奮鬥。奚夢瑤就話呢件事係真嘅，佢指四太梁安琪係大家公認嘅「虎媽」，佢對小朋友嘅要求非常高，對所以兄弟姊妹一視同仁，會提供物資上嘅照顧，但絕對唔會嬌慣、縱容佢哋。

Photo from 微博娛樂

Photo from 何猷君微博

奚夢瑤表示奶奶係佢學習嘅榜樣。不過網友就指佢講嘢非常離地，簡直係「凡爾賽文學」（用低調語句暗中炫富晒命表達優越感）。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）