download HolidaySmart 假期日常 app
10 種抗流感食物 提升免疫功能抵抗流感病毒

10 種抗流感食物 提升免疫功能抵抗流感病毒

生活熱話 健康資訊
By Ella on 20 Nov 2020
Digital Content Writer

預防流感除咗要注意個人衛生之外,都可以喺飲食方面入手,今次介紹 10 種抗流感食物,好多大家都係平時會食開,不過可能唔知原來呢啲食物可以增強身體嘅抵抗力。

乳酪
乳酪含有益生菌,可以保護腸道,遠離害菌侵襲。而酸奶含有嘅乳酸菌可以喚醒人體嘅免疫系統,提高細胞防禦力。不過記住最好就選擇一啲不含糖及其他添加物嘅乳酪。

乳酪含有益生菌,可以保護腸道,遠離害菌侵襲。Photo from Pinterest

大蒜
大蒜具有高度抗流感嘅功效,可以抗菌、抗病毒及抗黴菌,提升免疫能力。英國有實驗證明食大蒜可以令患上感冒嘅可能性減少三分之二,而且多食大蒜都會降低患結腸癌及胃癌嘅風險。

大蒜具有高度抗流感嘅功效,可以抗菌、抗病毒及抗黴菌,提升免疫能力。Photo from Pinterest

燕麥
燕麥含有豐富纖維,可以維持腸道健康及減低患上心血管疾病風險,而燕麥當中嘅 β-葡聚糖具抗菌及抗氧化功效,可以增強免疫力以對抗外來細菌。

燕麥當中嘅 β-葡聚糖具抗菌及抗氧化功效,可以增強免疫力以對抗外來細菌。Photo from Pinterest

番薯
皮膚係抵禦細菌嘅第一道防線,番薯含有豐富嘅 β-胡蘿蔔素,可以補充皮膚需要嘅維他命 A,增強皮膚抵抗力,抵抗細菌侵襲。

番薯含有豐富嘅 β-胡蘿蔔素,可以補充皮膚需要嘅維他命 A,增強皮膚抵抗力,抵抗細菌侵襲。Photo from Pinterest

菇類
多食菇類可以增強細胞活動能力,有助提高身體免疫力,對抗感染。

多食菇類可以增強細胞活動能力。Photo from Pinterest

貝類海鮮
貝類海鮮含豐富嘅硒,有效增加免疫蛋白數量,幫助身體清除體內病毒,多食貝類海鮮如蠔、蛤蜊等可以補充硒。

貝類海鮮含豐富嘅硒,有效增加免疫蛋白數量,幫助身體清除體內病毒。Photo from Pinterest

奇異果
奇異果含有豐富維他命 C、E,維他命 C 係增強免疫系統嘅必要營養,可以減低患上流感等疾病嘅機會。

奇異果含有豐富維他命 C、E。Photo from Pinterest

牛肉
牛肉係所有肉類中鋅含量最豐富嘅食物,鋅可以幫助人體防範病毒,有助增強免疫力,預防流感。

牛肉含有豐富嘅鋅。Photo from Pinterest

番茄
番茄含豐富維他命 A、C,有助增強免疫力,而且番茄含有豐富番茄紅素,多食有助減低患上心血管疾病嘅風險。

番茄含豐富維他命 A、C,有助增強免疫力。Photo from Pinterest

雞湯
雞湯有一種化合物叫「半胱胺酸」,喺來自雞肉中嘅一種胺基酸,半胱胺酸可以保持黏液稀薄。喺雞湯入面加入大蒜等材料可以提升雞湯嘅營養成分,加強免疫效果。

雞湯有一種化合物叫「半胱胺酸」,喺來自雞肉中嘅一種胺基酸。Photo from Pinterest

大家記住食多啲,加強免疫力!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel