港人限定！迪士尼 15 周年大抽獎　送1萬5千張門票/150份酒店住宿 (附參加方法)

Digital Editor

今年喺香港迪士尼樂園嘅 15 周年，而且加上聖誕又就到，佢哋就特別推出港人限定嘅「Fun享奇妙夢想」大抽獎，當中獎品包括香港迪士尼樂園一日標準門票以及迪士尼探索家度假酒店住宿。而除此之外，仲可同時專享「雙重慶祝」優惠，聖誕節同另一半齊齊入園打卡。

隨著迪士尼「奇妙夢想城堡」華麗登場，15 周年慶祝節目亦隨即展開，樂園同時啟動咗 A Disney Christmas 聖誕活動，將歡樂加倍，普天同慶！為慶祝依件盛事，樂園就推出咗「FUN享奇妙夢想」大抽獎以及「雙重慶祝」樂園門票優惠，更會捐助予三個長期合作嘅非牟利機構回饋社區。

今次推出嘅依個「Fun享奇妙夢想」全民大抽獎係限定畀香港人參加嘅，抽獎會送出 1.5 萬張門票及 150 份酒店住宿。香港市民可以由聽日（21日）上午 9 點開始，一連 10 日於網上登記免費抽獎。

抽獎詳情：

「FUN 享奇妙夢想」大抽獎
報名日期	由 2020 年 11 月 21 至 30 日，一連 10 日
參加辦法	合資格的香港居民只需於活動網頁報名參加（Link），便有機會獲得香港迪士尼樂園一日標準電子門票一張或迪士尼探索家度假酒店標準客房住宿一晚。
參加資格	香港居民: -持有香港身份證或 -11歲以下參加者需持有香港出世紙及由本地學校發出的學生手冊，或附有相片的有效法律文件
獎品使用日期	由 2020 年 12 月 14 日至 2021 年 3 月 14 日（酒店房間之入住日期不適用於 2020 年 12 月 19 至 31 日，2021 年 1 月 1 日至 2 日及 2 月 12 至 16 日）
公布結果	得獎名單將會於 2020 年 12 月 9 日於活動網頁內公佈。