download HolidaySmart 假期日常 app
煲仔飯食譜|逸東軒大廚教煮豉椒排骨煲仔飯 點揀靚排骨?

煲仔飯食譜|逸東軒大廚教煮豉椒排骨煲仔飯 點揀靚排骨?

美食推介
By Suki on 22 Nov 2020
Deputy Managing Editor

煲仔飯最適合天氣轉涼的時候享用,今集《師傅煮場》請來逸東軒行政總廚譚棟,由挑選排骨開始至秘製煲仔飯豉油,譚棟師傅將會慢慢教路,不用一小時就可以歎到大師級豉椒排骨煲仔飯。

豉椒排骨煲仔飯

豉椒排骨煲仔飯|排骨一定要挑選腩排,因為腩排位置肥瘦均勻,食落才有咬口,而且肉味甘香。排骨洗淨後,以原粒豆豉、蒜頭、紅椒、蠔油、糖、生粉及生抽醃製,醃至20至30分鐘便可以。

排骨一定要挑選腩排,因為腩排位置肥瘦均勻。

以原粒豆豉、蒜頭、紅椒、蠔油、糖、生粉及生抽醃製,醃至20至30分鐘便可以。

煲仔飯最怕煮到飯粒不夠分明,所以水與米的比例相當重要。譚棟師傅表示,把白米略略洗乾淨後,開始煮時,瓦煲內的水一定要煮滾,煮滾後才可放入白米,水與米的份量大概1:1即可。另一要訣則是,下米後快速用筷子弄散米粒,免得米粒焦燶。

譚棟師傅表示,水煮滾後才可放入白米。

下米後快速用筷子弄散米粒,免得米粒焦燶。

飯粒的水分收乾後,開蓋將排骨平均地鋪在飯面,然後封蓋繼續煮多10至15分鐘,期間不要揭開煲蓋,以便影響煲仔飯的口感。

開蓋將排骨平均地鋪在飯面

另一要訣,大家喜歡添加煲仔飯豉油,譚棟師傅指,用蒸魚豉油、老抽及花生油即可,蒸魚豉油味道鮮甜,可取替加糖做法。

煲仔飯豉油

說時遲那時快,最簡單的豉椒排骨煲仔飯,馬上完成!

豉椒排骨煲仔飯

豉椒排骨煲仔飯詳細食譜

材料
排骨 300克
米 1量杯
水 1量杯
豆豉 1湯匙
蒜蓉 1湯匙
辣椒 1至2條
糖 1茶匙
生抽 1茶匙
生粉 1茶匙
蠔油 1茶匙

煲仔飯豉油
老抽 2湯匙
蒸魚豉油 3湯匙
花生油 1茶匙

豉椒排骨煲仔飯

1. 排骨洗淨後,用廚房紙印乾,以豆豉、蒜頭、紅椒、蠔油、糖、生粉及生抽醃製,醃至20至30分鐘。
2. 把白米略略洗乾淨後,水必須煮滾,才可加入白米。
3. 加入白米後,快速用筷子弄散米粒,免得米粒焦燶。
4. 以大火煮飯約10分鐘後,然後放入排骨煮多10至15分鐘,期間不要揭開煲蓋。
5. 自製煲仔飯豉油(以老抽、蒸魚豉油及花生油攪勻即可)

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

美食推介