download HolidaySmart 假期日常 app
「入五」前衝破自己!美魔女江美儀晒零贅肉纖腰 密密操練挑戰人生

「入五」前衝破自己!美魔女江美儀晒零贅肉纖腰 密密操練挑戰人生

娛樂新聞
By Celia on 23 Nov 2020
Digital Editor

49 歲藝人江美儀近年除咗行山,每星期保持一定運動量外,佢仲加入咗周潤發嘅「跑山團」,同發哥、方中信、鮑起靜兩夫婦等人一齊跑山。而早前佢更喺 YouTube 開設個人頻道,喺上面教大家煮素菜。日前佢就喺其 IG 上傳身穿 sport bra 嘅運動 Look 指佢決定要喺「入五」做一件事衝破自己,叫大家為佢加油打氣!

藝人江美儀明年就踏入 50 歲,平時得閒佢都會入廚教吓人煮番幾味,加上佢每個月有一半嘅日子都會菇素,而且又成日做運動,保養得宜,難怪喺圈中有美魔女之稱!

江美儀明年就踏入 50 歲。Photo from 江美儀 IG

江美儀每個月有一半嘅日子都會菇素,而且又成日做運動,保養得宜。Photo from 江美儀 IG

近日佢就喺 IG 上傳自己身穿運動 sport bra 大晒零贅肉小蠻腰,並宣布佢準備喺「入五」前決定要做一件大事,又提醒網友要去佢 YouTube channel 度睇添!

江美儀身穿運動 sport bra 大晒零贅肉小蠻腰,並宣布佢準備喺「入五」前決定要做一件大事!Photo from 江美儀 IG

佢喺 YouTube 中就表示自己準備挑戰參加半馬,原本打算今年 5 月飛到日本參加跑 5 公里賽,但因疫情關係,無奈要取消:「我平時都跑到12至14公里,咁都係多少少,咁唔得咪慢慢跑囉,我又想衝破自己,對我嚟講,我由細到大都冇諗過自己會跑步,亦都冇諗過會堅持呢個運動可以咁耐,所以今次參加,咁我就同自己講,我50歲之前,不如試吓做呢件事,睇吓可唔可以跑到?」

江美儀表示自己準備挑戰參加半馬Photo from 江美儀 IG

而江美儀真係講得出做得到,為參加比賽,喺片中可見佢密密練跑兼做體能訓練,睇佢真係下咗好大決心㗎!

唔少網友都有留言指佢一定可以完成比賽,仲話佢真係太勁喇!

加油呀!

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel