《刻在你心底的名字》Netflix上線！台灣史上最賣座同志片！奪金馬獎兩獎項

台灣電影《刻在你心底的名字》會喺Netflix上線，電影獲得5項金馬獎提名，更勇奪最佳攝影、最佳原創電影歌曲2個獎項。電影票房成績佳，係台灣史上最賣座同志片。

台灣同志電影《刻在你心底的名字》由柳廣輝執導，陳昊森、曾敬驊、邵奕玫、戴立忍、王識賢等主演。係一部以解嚴時期為背景、對照出台灣性別人權進程的愛情電影。

Photo from 《刻在你心底的名字》

電影改編自導演柳廣輝嘅高中愛情回憶，講述喺1980年代啱啱解嚴嘅台灣，一對遊走喺友情、愛情之間嘅高中同學，佢哋喺青春嘅騷動同性啟蒙嘅渴望牽引下冒險，因為師妹出現而令曖昧關係產生變化。

Photo from 《刻在你心底的名字》

《刻在你心底的名字》於台灣票房成績極佳，更加係台灣史上最賣座同志片。喺香港國際電影節亦有上映兩場，兩場都爆滿。

Photo from 《刻在你心底的名字》

電影獲得5項金馬獎提名，包括最佳男配角（戴立忍）、最佳新演員（陳昊森）、最佳攝影、最佳原創電影音樂及最佳原創電影歌曲，最終勇奪最佳攝影、最佳原創電影歌曲2個獎項。

Photo from 《刻在你心底的名字》

Photo from 《刻在你心底的名字》

呢套電影無喺香港戲院正式上映，而Netflix已宣佈將於12月23日全球獨家上線。大家可以睇下預告！

Photo from 《刻在你心底的名字》

《刻在你心底的名字》Netflix正式預告：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）