飲醉咗？！西伯利亞 9 人開 Party 將酒精搓手液當酒飲　7人中毒身亡、2人昏迷留醫ICU

唔少人開 party 都會飲酒助興，但唔係只要有個「酒」就代表可以拎嚟飲㗎！近年大家都因為疫情關系，屋企一定會出現酒精搓手液，而喺外國亦唔例外，但早前喺俄羅斯嘅西伯利亞就有 9 人因為 Party 上嘅酒飲晒，而拎酒精搓手液當酒嚟飲，導致7人死亡及2人昏迷吓慘劇。

根據英國《每日郵報》報道，喺 11 月 19 日，9 名年齡介乎於 27 到 69 歲嘅西伯利亞人，喺 Yakutia 嘅 Tattinsky District 中一個村莊參加 party。Party 中佢哋就因酒被飲晒，而轉飲酒精搓手液。

事後，一名 41 歲女子及兩名 27 歲及 59 歲男子當場死亡，其餘 6 人則送往地區 Yakutsk 醫院接受治療。

可惜，其後再有 4 人宣告不治。其餘 2 人則仍處於昏迷狀態，於深切治療部留醫。

Photo from dailymail.co.uk

俄羅斯聯邦公共衛生監督機構事後發聲明指，已成立專案小組調查事件，並經分析後發現該酒精搓手液中含有 69% 甲醇，相信係 9 人中毒嘅主因嚟。

同時，俄羅斯聯邦公共衛生監督機構亦警告民眾唔好飲用搓手液，以免悲劇再次發生。

Photo from dailymail.co.uk

其實喺香港亦曾出現過相似情況，一名 12 歲國際學校男生疑被同學整蠱誤服酒精搓手液，引致肚痛不適送院。當時就有醫生指酒精搓手液酒精濃度比烈酒還高，誤服輕則肚痛，重則嚴重昏迷可致死亡。

所以大家記得只要妥善保管相關用品以防子女誤服。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編